الەمدە كوروناۆيرۋستىڭ تارالۋ دەڭگەيى كۇرت ارتىپ، وڭتۇستىك كورەيادا ەكىنشى تولقىنى باستالدى

نۇر-سۇلتان. BBC - قازاقپارات - دۇنيەجۇزىلىك دەنساۋلىق ساقتاۋ ۇيىمى سوڭعى تاۋلىكتەردە الەمدە كوروناۆيرۋس ينفەكتسياسىن جۇقتىرۋدىڭ رەكوردتىق كورسەتكىشى تىركەلگەندىگىن حابارلادى.

بۇل تۋرالى قازاقپارات bbc.com اگەنتتىگىنە سىلتەمە جاساپ حابارلايدى.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرىنە قاراعاندا، الەمدە قاۋىپتى ۆيرۋستى جۇقتىردى دەگەن 183 مىڭ دياگنوز قويىلعان. ونىڭ 50 مىڭنان استامى برازيلياعا تيەسىلى.

وڭتۇستىك كورەيا ۆيرۋستىڭ تارالۋىنىڭ ەكىنشى تولقىنى باستالعانىن ءمالىم ەتتى. ال نوۆاك دجوكوۆيچ ۇيىمداستىرعان تەننيس تۋرنيرىندە بىرنەشە سپورتشى مەن باپكەر اۋىرعان.

دجون حوپكينس ۋنيۆەرسيتەتىنىڭ مالىمەتتەرى بويىنشا، الەم بويىنشا Covid-19 ۆيرۋسىن جۇقتىرعان ادامدار سانى 9 ميلليوننان استى، 470 مىڭ ادام وسى ىندەتتەن كوز جۇمعان. سونداي-اق 4,4 ميلليون ادام كوروناۆيرۋستان ەمدەلىپ شىقتى.