كوكشەتاۋ تۇرعىنىنا وق اتقان كۇدىكتى ۇستالدى

كوكشەتاۋ. قازاقپارات - كوكشەتاۋدا تراۆماتيكالىق تاپانشامەن بۇزاقىلىق جاساعان كۇدىكتى ۇستالدى، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، ماۋسىمنىڭ 19 ىندا كوكشەتاۋ قالالىق پ ب كەزەكشى بولىمىنە وبلىستىق كوپبەيىندى اۋرۋحاناعا سانىنا وق ءتيىپ، جارالانعان ەر ادام تۇسكەنى تۋرالى حابار كەلگەن.

«اۋرۋحاناعا بارعان جەدەل-تەرگەۋ توبى زارداپ شەگۋشىدەن وقيعانىڭ ءمان-جايىن سۇراپ ءبىلدى. ەر ادامنىڭ ايتۋىنشا، ول تاڭعى ساعات 05:00 شاماسىندا جەرگىلىكتى دۇكەن ماڭىندا بۇرىنعى تانىسىمەن ارادا كيكىلجىڭ تۋىنداپ، جاراقات العان. سول كۇنى جەدەل ىزدەستىرۋ كەزىندە جەدەل باسقارۋ ورتالىعىنىڭ بەينەباقىلاۋ كامەراسى ارقىلى سولتۇستىك قازاقستان وبلىسىنىڭ 33 جاستاعى تۇرعىنى ۇستالدى» دەيدى ۆەدومستۆودان.

قازىرگى كەزدە وسى وقيعاعا بايلانىستى ق ر ق ك 293-بابىنىڭ 3-بولىگى بويىنشا سوتقا دەيىنگى تەرگەۋ ءجۇرىپ جاتىر. كۇدىكتىدەن تراۆماتيكالىق تاپانشا تاركىلەنىپ، ول ۋاقىتشا ۇستاۋ وقشاۋلاعىشىنا قامالدى.