قازاقستاندا ەكى اۋەكومپانيانىڭ سەرتيفيكاتى توقتاتىلدى

اتاپ ايتقاندا، زاڭ بۇزۋشىلىقتاردى جويۋ تۋرالى نۇسقاۋلىقتى ورىنداماعان «بەك ەير» اۋە كومپانياسىنىڭ پايدالانۋشى سەرتيفيكاتى كەرى قايتارىلدى. سونىمەن قاتار قازاقستان رەسپۋبليكاسى جانە حالىقارالىق ازاماتتىق اۆياتسيا ۇيىمى (ي ك ا و ICAO ) زاڭناماسىنىڭ تالاپتارىن ورىنداماۋىنا بايلانىستى «Azee Air» ج ش س جانە «Sigma Airlines» ج ش س اۋەكومپانيالارىنىڭ پايدالانۋشى سەرتيفيكاتتارى ۋاقىتشا توقتاتىلدى.
«ءتيىمسىز ىسكە اسىرىلعان قۇقىق نورمالارىن انىقتاۋ جانە ولاردى جەتىلدىرۋ بويىنشا ۇسىنىس قالىپتاستىرۋ ارقىلى زاڭنامانىڭ تيىمدىلىگىن باعالاۋ جانە بولجاۋ بويىنشا جۇمىس جۇرگىزىلىپ جاتىر. وسى ماقساتتا جۇك تاسىمالداۋعا ارنالعان اۋە كەمەلەرىن تىركەۋگە جانە ولاردى كەيىن باقىلاۋعا ارنالعان قوسىمشا شارتتار انىقتالدى، ولار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكونوميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭى جوباسىنىڭ تۇجىرىمداماسىنا ەنگىزىلگەن» دەلىنگەن حابارلامادا.
ي ك ا و- عا مۇشە مەملەكەتتەردە ۇشۋ قاۋىپسىزدىگىن باقىلاۋ دەڭگەيى ي ك ا و اۋديتىنىڭ ناتيجەلەرى بويىنشا انىقتالادى. الدىن الا اقپارات بويىنشا، قازاقستاندا ي ك ا و اۋديتى 2022 -جىلدىڭ ءبىرىنشى جارتىجىلدىعىندا بولادى دەپ كۇتىلۋدە.
قازاقستاندا ۇشۋ قاۋىپسىزدىگى سالاسىندا حالىقارالىق ازاماتتىق اۆياتسيا ۇيىمىنىڭ (ي ك ا و) ستاندارتتارى مەن ۇسىنىلاتىن پراكتيكاسىن ءتيىمدى ەنگىزۋ دەڭگەيىن ارتتىرۋ ءۇشىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭى جوباسىنىڭ تۇجىرىمداماسى ازىرلەندى.