ەلوردا ەمحانالارى ناۋقاستاردى جوسپارلى قابىلداۋدى توقتاتادى
«ەپيدەميولوگيالىق جاعدايدى ەسكەرە وتىرىپ، 23-ماۋسىمنان باستاپ قالا ەمحانالارىندا ناۋقاستاردى جوسپارلى قابىلداۋ مەن قاراۋ توقتاتىلادى. اتاپ ايتقاندا: ەرەسەكتەر مەن بالالاردى پروفيلاكتيكالىق قابىلداۋ، ونىڭ ىشىندە سكرينينگتەر، جوسپارلى ستوماتولوگيالىق، وڭالتۋ قىزمەتتەرى، دەنساۋلىق مەكتەبى، مەديتسينالىق- الەۋمەتتىك قولداۋ، م ءا س قۇجات راسىمدەۋ، كۇندىزگى ءبولىمنىڭ جۇمىسى، جوسپارلى تۇردە اۋرۋحاناعا جاتقىزۋعا جولداما بەرۋ، تاۋلىك بويعى جانە كۇندىزدى ستاتسيونار بار. مامانداردىڭ جوسپارلى كونسۋلتاتسيالىق كومەك كورسەتۋى ونلاين فورماتقا اۋىستىرىلادى. ديسپانسەرلىك تىركەۋدە تۇرعان ازاماتتارعا قاجەتتى رەتسەپت ونلاين بەرىلىپ، ءدارى- دارمەك ۇيگە دەيىن جەتكىزىپ بەرىلەدى»، - دەلىنگەن حابارلامادا.
حالىقتى ۆاكسيناتسيالاۋ ەكپەنىڭ ۇلتتىق كۇنتىزبەسى بويىنشا جوسپارلى تۇردە جۇرگىزىلەدى. جۇكتى ايەلدەردى قابىلداۋ، ۋ د ز سكرينينگ جۇرگىزۋ شتاتتىق رەجيمدە قالادى. قالا ەمحانالارى تەك شۇعىل جانە كۆي بەلگىلەرى بار ناۋقاستاردى عانا قابىلدايدى.
كوروناۆيرۋستىڭ اۋرۋ بەلگىلەرى جوق ناۋقاستارىن ەمدەۋ ءۇشىن مەديتسينا قىزمەتكەرلەرى بەينەقوڭىراۋ جانە بايلانىستىڭ باسقا دا ارنالارىن پايدالانۋ ارقىلى ازاماتتاردىڭ دەنساۋلىعىن قاداعالاپ وتىرادى جانە ينفەكتسيانىڭ سيمپتومسىز تۇرىنە قاتىستى ماسەلەلەر بويىنشا كونسۋلتاتسيا وتكىزەتىن بولادى. اۋرۋ بەلگىلەرى بايقالعان بويدا ناۋقاستاردى اۋرۋحاناعا جاتقىزادى.
22-ماۋسىمدا قوسىمشا 200 ورىندىق ستاتسيونار دايىندالدى. قاجەتتىلىك تۋىنداعان جاعدايدا باسقا دا ۇيىمدار ستاتسيونار رەتىندە بەيىمدەلەدى.
