16:00, 22 - ماۋسىم 2020 | GMT +5
قوستانايدا ءبىر-بىرىمەن جارىسقان ەكى اۆتوبۋس سوقتىعىستى
قوستاناي. قازاقپارات - قوستاناي قالاسىندا ەكى اۆتوبۋس سوقتىعىستى، دەپ حابارلايدى قازاقپارات. اقپاراتتى وبلىستىق پوليتسيا دەپارتامەنتىنىڭ باسپا ءسوز قىزمەتى راستادى.
وقيعا بۇگىن ك س ك شاعىن اۋدانىندا، قوبىلاندى باتىر كوشەسىندە بولعان. كۋاگەرلەردىڭ ايتۋىنشا، قوعامدىق كولىكتەر قاتتى جىلدامدىقپەن جارىسىپ كەلە جاتقان.
«Mercedes ماركالى №13-مارشرۋتتىق اۆتوبۋسىنىڭ 61 جاستاعى جۇرگىزۋشىسى قاشىقتىقتى ساقتاماي، Volvo ماركالى اۆتوبۋسپەن سوقتىعىستى. پوليتسيا قىزمەتكەرلەرى ءىس جۇرگىزۋ شەشىمىن قابىلداۋ ءۇشىن اكىمشىلىك ماتەريال جينادى. جول-كولىك وقيعاسى كەزىندە ەشكىم زارداپ شەككەن جوق»، - دەيدى پوليتسيانىڭ باسپا ءسوز قىزمەتى مامانى كەنجە قونىسباي.