15:01, 22 - ماۋسىم 2020 | GMT +5
پوليتسيا ليفتىنىڭ ەسىگىن سىندىرماق بولعان الماتىلىقتى ىزدەپ جاتىر
الماتى. قازاقپارات - الماتى پوليتسياسى تۇرعىن ءۇي كەشەندەردىڭ بىرىندە ليفتىنىڭ ەسىگى مەن باتىرماسىن تەۋىپ سىندىرماق بولعان بۇزاقىنى ىزدەيدى، دەپ حابارلايدى قازاقپارات ءتىلشىسى.
الەۋمەتتىك جەلىلەردە ەر ادامنىڭ ليفتىنىڭ ەسىگى مەن باتىرماسىن تەۋىپ جاتقان ۆيدەوسى پايدا بولدى . وندا وقيعا ناۋرىزباي اۋدانىنداعى «پرەمەرا» ت ك- دە بولعاندىعى ايتىلادى. ءوز كەزەگىندە الماتى پوليتسياسى بۇل فاكت بويىنشا «102» پۋلتىنە ەشقانداي حابارلاما تۇسپەگەنىن ءمالىم ەتتى.
«سوعان قاراماستان، كەشەدەن بەرى ناۋرىزباي اۋداندىق پوليتسيا باسقارماسى بۇل فاكتىنى تەكسەرىپ جاتىر. الدىمەن ەر ادامنىڭ كىم ەكەنىن انىقتايدى. الدىن الا بولجام بويىنشا، ول وسى ۇيدە تۇرادى. ءبىز ونى اكىمشىلىك جاۋاپكەرشىلىككە تارتامىز»، - دەپ جاۋاپ بەردى پوليتسيا.
