پۋتين ورىس حالقى ك س ر و رەسپۋبليكالارىنا «قانداي سىيلىق» جاساعانىن ايتتى

نۇر-سۇلتان. قازاقپارات - رەسەي پرەزيدەنتى ۆلاديمير پۋتين كسرو قۇرامىنان شىققان رەسپۋبليكالارعا قاتىستى پىكىر ءبىلدىردى.

بۇل تۋرالى ول «روسسيا 1» تەلەارناسىندا كورسەتىلگەن پاۆەل زارۋبيننىڭ «روسسيا. كرەمل. پۋتين» فيلمىندە ايتتى.

ينتەرۆيۋ ۆەستي. Ru سايتىندا جاريالاندى.

پۋتين كەڭەس وداعى قۇرىلعان كەزدە رەسپۋبليكالاردىڭ كەلىسىمنەن شىعۋ قۇقىعى بەلگىلەنگەنىمەن، بۇل ءتارتىپ رەتتەلمەگەنىن اتاپ ءوتتى.

«كەڭەس وداعى قۇرىلعان كەزدە كەلىسىمشارتتا شىعۋ قۇقىعى كورسەتىلدى. الايدا ءراسىم جازىلماعان. وسى جەردە سۇراق تۋىندايدى: ەگەر رەسپۋبليكا كەڭەس وداعىنىڭ قۇرامىنا كىرسە، ءبىراق رەسەيدىڭ كوپتەگەن جەرىن، ياعني رەسەيدىڭ تاريحي تەرريتوريالارىن ءوز قولدارىنا العان بولسا، الايدا كەنەتتەن بۇل وداقتان شىعۋعا شەشىم قابىلدادى. وزىمەن بىرگە ورىس حالقىنىڭ سىيلىقتارىن الماي، قالاي كەلسە، سولاي قايتۋى كەرەك ەدى. الايدا مۇنىڭ بارلىعى جازىلماعان. مەن قولدانىستاعى كونستيتۋتسياعا تۇزەتۋلەر ەنگىزىپ، دۇرىس ىستەپ جاتقانىمىزعا سەنىمدىمىن»، - دەيدى رەسەي پرەزيدەنتى.