ەلوردادا ايەل مەن ەر ادامنىڭ تەرەزەدەن قۇلاۋ فاكتىسى بويىنشا ءىس قوزعالدى

نۇر-سۇلتان. قازاقپارات - نۇر-سۇلتان قالاسىندا كوپ قاباتتى ءۇيدىڭ تەرەزەسىنەن ەر ادامنىڭ قۇلاۋى جانە ونىڭ ارتىنان ايەلدىڭ سەكىرىپ كەتۋ وقيعاسى بويىنشا قىلمىستىق ءىس قوزعالدى، دەپ حابارلايدى قازاقپارات.

«پوليتسياعا كەشە، ساعات 18.45 تە قابانباي باتىر كوشەسىندەگى ءۇيدىڭ 8-قاباتىنان ەر ادام قۇلاپ كەتكەنى تۋرالى حابار ءتۇستى. وقيعا ورنىنا دەرەۋ شۇعىل قىزمەتتەر شىقتى. ەر ادامنان كەيىن 40 مينۋت وتكەن سوڭ ءدال سول تەرەزەدەن ايەل سەكىرىپ كەتتى. ول توتەنشە جاعدايلار قىزمەتى دايىنداعان اۋا جاستىقشاسىنا ءتۇستى. ەكەۋى دە اۋرۋحاناعا جەتكىزىلدى. 31 جاستاعى ەر ادام مەن 34 جاستاعى كەلىنشەك بىرگە تۇرعانى بەلگىلى بولدى. پاتەردى قاراۋ بارىسىندا باسقا ادام انىقتالمادى. وقيعانىڭ ءمان-جايى تەكسەرىلەدى. ق ر قىلمىستىق كودەكسىنىڭ 105-بابى بويىنشا (ءوزىن-ءوزى ولتىرۋگە دەيىن جەتكىزۋ) سوتقا دەيىنگى امالدار باستالدى»، - دەدى پوليتسيا دەپارتامەنتىنەن.

كەشە ساعات 19.22 دە قابانباي باتىر، 40 مەكەنجايى بويىنشا («ينفينيتي» تۇرعىن ءۇي كەشەنى) 8-قاباتتاعى اتالمىش پاتەردەن ايەل ادام سەكىرىپ كەتكەن بولاتىن.