12:33, 21 - ماۋسىم 2020 | GMT +5
تويعا كەلگەن قوناقتار مەن جاڭا تۇسكەن كەلىن كوروناۆيرۋس جۇقتىردى
تاشكەنت. قازاقپارات - وزبەكستاندا تويعا كەلگەن 12 قوناق پەن جاڭا تۇسكەن كەلىن كوروناۆيرۋس جۇقتىرىپ الدى، دەپ حابارلايدى «قازاقپارات» ح ا ا مەنشىكتى ءتىلشىسى.
وزبەكستاننىڭ دەنساۋلىق ساقتاۋ مينيسترلىگىنىڭ مالىمەتىنشە، تاشكەنت قالاسىنىڭ يۋنۋساباد اۋدانىندا جەرگىلىكتى تۇرعىن ءتورت كۇننىڭ ىشىندە ەكى توي وتكىزىپ ۇلگەرگەن.
توي-تومالاق سالدارىنان 12 ادام، سونداي-اق جاڭا تۇسكەن كەلىن دە ىندەتتى جۇقتىرىپ العان.
قازىرگى ۋاقىتتا وسى تويدا بولعان جۇزگە تارتا ادام كوروناۆيرۋسقا تەستتەن وتكەن. سونىمەن قاتار شارالارعا قاتىسقانداردىڭ ءبارى - توي يەسىنىڭ وتباسى مۇشەلەرى، تۋىستارى مەن ونىمەن بايلانىستا بولعان ادامدار ستاتسيونارلىق جانە ءۇي كارانتينىنە جاتقىزىلعان.
