ا ق ش- تا نارازىلىق شەرۋلەرىنەن كەيىن بالمۇزداق اتاۋى وزگەرتىلدى

نيۋ-يورك. قازاقپارات - Dreyer's Grand Ice Cream كومپانياسى وسىدان 99 جىل بۇرىن ويلاپ تاپقان Eskimo Pie فيرمالىق بالمۇزداعىنىڭ اتاۋىن وزگەرتۋ تۋرالى شەشىم قابىلدادى، دەپ حابارلايدى قازاقپارات New York Post-قا سىلتەمە جاساپ.

«ءبىز ناسىلدىك تەڭدىك ماسەلەسىن شەشۋگە سەپتىگىمىزدى تيگىزۋگە تىرىسامىز. بۇل تەرمين كەمسىتۋشىلىكتى كورسەتەتىنىن مويىندايمىز»، - دەلىنگەن كومپانيانىڭ ماركەتينگ جونىندەگى ديرەكتورىنىڭ مالىمدەمەسىندە.

ءتاتتىنىڭ اتاۋىن وزگەرتكەن كومپانيا ەندى وزدەرىنىڭ لوگوتيپى مەن جارناماسىن دا اۋىستىرادى.

امەريكاداعى پوليتسيا قاتىگەزدىگى مەن قۇراما شتاتتارىنداعى جۇيەلى ناسىلشىلدىككە بايلانىستى نارازىلىق شارالارى اياسىندا كوپتەگەن ساۋدا ماركالارىندا وزگەرىستەر ورىن الۋدا.

ەسكە سالا كەتەيىك، ءتارتىپ ساقشىلارىنىڭ قولىنان قازا تاپقان افريكوامەريكالىق دجوردج فلويدتىڭ ولىمىنەن كەيىن لوندون مەن الەمنىڭ باسقا دا ەلدەرىندە نارازىلىقتار مەن تولقۋلار باستالدى.