21:04, 19 - ماۋسىم 2020 | GMT +5
شۆەتسيا حالقىندا كوروناۆيرۋسكە قارسى يممۋنيتەت قالىپتاسپاعان
تالدىقورعان. قازاقپارات - شۆەتسيادا كوروناۆيرۋس جۇقتىرعانداردىڭ سانى 53 مىڭنان استى. ۆيرۋس قۇرباندارى مەن ناۋقاستاردىڭ سانى ەل استاناسىندا كوپ تىركەلگەن.
ساراپشىلاردىڭ ايتۋىنشا، مۇنداي جاعدايعا شۆەتسيا بيلىگىنىڭ كارانتينگە قاتىستى ءتيىستى شارا قولدانباۋىنان بولدى دەپ وتىر. ماماندار باستاپقىدا ايماقتا ۇجىمدىق يممۋنيتەت قالىپتاستىرماق بولدى. الايدا بۇل ارەكەتتەرى ءساتسىز اياقتالدى.
زەرتتەۋلەرگە سايكەس، ستوكگولم تۇرعىندارىنىڭ تەك 14 پروتسەنتىندە عانا اۋرۋعا قارسى انتيدەنەلەر پايدا بولعان. ەگەر يتاليانىڭ بەرگامو قالاسىمەن سالىستىرساق، وندا ءار ەكىنشى تۇرعىنىندا انتيدەنەلەر قالىپتاستى. بۇگىندە شۆەتسيادا 5 مىڭنان استام ادام كوۆيد-19 دەرتىنەن كوز جۇمدى.
