كوروناۆيرۋستىڭ تاعى ءبىر باستاپقى بەلگىسى انىقتالدى

نۇر-سۇلتان. قازاقپارات - كانادالىق عالىمدار كوزدىڭ شىرىشتى قاباتىنىڭ قابىنۋى كوروناۆيرۋستىق ينفەكسيانىڭ العاشقى بەلگىلەرىنىڭ ءبىرى بولۋى مۇمكىن ەكەنىن ايتتى.

كونيۋنكتيۆيت - كوز بەن قاباقتىڭ ارتقى جاعىن جاباتىن جۇقا، ءمولدىر تىندەردىڭ قابىنۋى. ول كوزگە باكتەريالار نەمەسە ۆيرۋستاردىڭ تۇسۋىنەن پايدا بولادى. كانادالىق وفتالمولوگيا قوعامىنىڭ جۋرنالىندا جاريالانعان زەرتتەۋدە عالىمدار 29 جاستاعى ناۋقاستىڭ جاعدايىن سيپاتتادى. ناۋقاس ناۋرىز ايىندا كوزىنىڭ قىزارۋىنا بايلانىستى اۋرۋحاناعا تۇسكەن. دارىگەرلەر وعان كونيۋنكتيۆيت دياگنوزىن قويدى، ءبىراق ەمدەۋ شارالارى ءساتسىز اياقتالدى. كەيىن ونىڭ كوروناۆيرۋسقا تاپسىرعان تەستى وڭ ناتيجە كورسەتكەن.

«ناۋقاستا جوتەل نەمەسە دەنە قىزۋى بولمادى، سوندىقتان كوروناۆيرۋس دەپ ويلاماعان ەدىك. ينفەكسيانىڭ العاشقى بەلگىلەرى وكپەدەن ەمەس، كوزدەن دە پايدا بولاتىنىن بىلمەدىك»، - دەدى البەرت كارلوس ۋنيۆەرسيتەتىنىڭ وفتالمولوگيا كافەدراسىنىڭ دوتسەنتى.

www.24.kz