20:03, 19 - ماۋسىم 2020 | GMT +5
ساراپشىلار: بەيجىڭگە كوروناۆيرۋس ەۋروپادان كەلگەن
الماتى. قازاقپارات - قىتايدا ىندەت قايتا ءورشىدى. ۆيرۋستىڭ بۇل ءتۇرى كارى قۇرلىقتان تاراعان.
قىتايلىق ماماندار ارنايى زەرتتەۋ جۇرگىزىپ، وسىنداي توقتامعا كەلدى. زەرتتەۋ ناتيجەلەرىن دۇنيەجۇزىلىك دەنساۋلىق ساقتاۋ ۇيىمىنا تاپسىرىپتى.
ايتۋلارىنشا، بەيجىڭدە تاراپ جاتقان كەسەل ەۋروپادان كەلگەن. ول مۇزدالعان ازىق- تۇلىكپەن بىرگە جەتكەن كورىنەدى.
ۋ جۋنيۋ، قىتايدىڭ اۋرۋلاردى باقىلاۋ جانە الدىن الۋ ورتالىعىنىڭ باس ەپيدەميولوگى:
- COVID-19 جۇقتىرعان ناۋقاستاردىڭ كوبى بازاردىڭ تەڭىز ونىمدەرىن ساتاتىن بولىگىندە تۇرادى. ينفەكسيا ەڭ ءبىرىنشى سولاردان انىقتالدى. ودان كەيىن سيىر مەن قوي ەتىن ساتاتىن ءبولىم تۇر. العاشقى زەرتتەۋلەر ناتيجەسى سۋىق پەن جوعارى ىلعالدىق كوروناۆيرۋستىڭ ساقتالۋىنا قولايلى ورتا ەكەنىن انىقتادى.
www.24.kz
