19:24, 19 - ماۋسىم 2020 | GMT +5
ديماش قۇدايبەرگەن امەريكالىق پروديۋسەرلىك اگەنتتىكپەن كەلىسىمشارتقا وتىردى
نۇر- سۇلتان. قازاقپارات - قازاقستاندىق تانىمال ءانشى ديماش قۇدايبەرگەن ا ق ش- تاعى IPZ پروديۋسەرلىك اگەنتتىگىمەن كەلىسىمشارتقا قول قويدى، دەپ حابارلايدى قازاقپارات ءتىلشىسى.
بۇل تۋرالى ديماش قۇدايبەرگەن ءوزىنىڭ Instagram پاراقشاسىندا حابارلادى.
«ديماش - قۇراما شتاتتاردى ەندى باعىندىرىپ كەلە جاتقان دارىندى ءانشى. ول ءوزىنىڭ ونسىز دا ءساتتى مانسابىن كەڭەيتۋگە مۇمكىندىك الادى، شاكىرت تاربيەلەيتىن الەمدىك برەندتەرگە قول جەتكىزەدى»، - دەدى IPZ باسقارۋشى سەرىكتەسى روبەرت زيتو.
IPZ - كاسىبي سپورتشىلارعا، تەلەارنا جانە ساندىق مەديا ماماندارى، سونىمەن قاتار ويىن- ساۋىق سالاسىنا ارنالعان قىزمەت تۇرلەرىن ۇسىناتىن اگەنتتىك. كومپانيا كەلىسىمشارت ورناتۋدى ۇسىنادى، ماركەتينگ پەن مەديا، قوعاممەن بايلانىس جانە كليەنتتەردىڭ مانسابىن جوسپارلاۋعا قاتىستى كەڭەس بەرەدى.
