18:01, 19 - ماۋسىم 2020 | GMT +6
امان بولىڭىز: ا ق ش مەملەكەتتىك حاتشىسى مايك پومپەو ەلباسىنىڭ ساۋىعىپ كەتۋىن تىلەدى
ۆاشينگتون. قازاقپارات – ا ق ش مەملەكەتتىك حاتشىسى مايك پومپەو نۇرسۇلتان نازاربايەۆقا تەزىرەك ساۋىعىپ كەتۋىن تىلەدى، دەپ حابارلايدى قازاقپارات.
«قازاقستاننىڭ تۇڭعىش پرەزيدەنتى نۇرسۇلتان نازاربايەۆقا COVID-19 دان تولىقتاي ايىعۋىن جانە تەزىرەك ساۋىعىپ كەتۋىن تىلەيمىن. بۇل ەلدەرىمىز ءۇشىن اسا قيىن كەزەڭ. بىرلەسىپ وسى اۋرۋدى جەڭەتىنىمىزگە سەنىمدىمىن. ساۋىعىپ كەتىڭىز! امان بولىڭىز!»، دەپ جازدى ا ق ش مەملەكەتتىك حاتشىسى مايك پومپەو تۆيتتەردە.
ەسكە سالايىق، 18-ماۋسىمدا ەلباسىنىڭ كوروناۆيرۋسقا جاساعان پ ت س ر- تەستى وڭ ناتيجە بەرگەنى بەلگىلى بولدى . ق ر تۇڭعىش پرەزيدەنتى - ەلباسىنىڭ باسپا ءسوز حاتشىسى ايدوس ۇكىباي نۇرسۇلتان نازاربايەۆتىڭ دەنساۋلىعى مەديتسينا قىزمەتىنىڭ باقىلاۋىندا ەكەنىن حابارلادى. ەلباسى زاماناۋي كوممۋنيكاتسيا كانالدارىن قولدانا وتىرىپ، قاشىقتان جۇمىس ىستەپ جاتىر.
