قازاقستاندا ءبىر اپتا ىشىندە كوروناۆيرۋسقا قارسى جاڭا شارالار دايىندالادى
«وتكەن جىلدىڭ وسىنداي كەزەڭىمەن سالىستىرعاندا بيىل جۇقپالى اۋرۋلاردىڭ 57 ءتۇرى بويىنشا ناۋقاستانۋ تومەندەدى. ونىڭ ىشىندە، مەنينگيت - 3,5 ەسە، قىزىلشا - 2,8 ەسە، سالمونەللەز - 2,1 ەسە ازايدى. بەس ايدىڭ ىشىندە 1,4 ميلليون ادامعا جۇقپالى اۋرۋلارعا قارسى پروفيلاكتيكالىق ەكپە جاسالدى. بۇل ەگىلۋگە ءتيىس ادامداردىڭ 92 پايىزىن قۇرايدى»، - دەدى ول.
ۇكىمەت باسشىسىنىڭ ايتۋىنشا، كوروناۆيرۋس ينفەكتسياسىنا قاتىستى جاعداي كۇردەلى كۇيىندە قالىپ وتىر. سوڭعى ەكى اپتادا بارلىق دەرلىك وڭىردە ناۋقاستار سانى كوبەيدى.
«وسىعان وراي، مەملەكەت باسشىسىنىڭ تاپسىرماسى بويىنشا، ۆەدومستۆوارالىق كوميسسيانىڭ كەشەگى شەشىمىمەن الداعى دەمالىس كۇندەرى ءبىرقاتار ءىرى قالالاردا جانە تۇرعىندارىنىڭ سانى 50 مىڭنان اساتىن بارلىق وڭىرلەردىڭ ەلدى مەكەندەرىندە قوسىمشا شەكتەۋ شارالارى ەنگىزىلدى. بۇل شەشىم ناقتى ورىندالۋى قاجەت. اكىمدىكتەر سانيتارلىق نورمالار مەن قوعامدىق جەرلەردە الەۋمەتتىك اراقاشىقتىقتىڭ قاتاڭ ساقتالۋىنا ەرەكشە نازار اۋدارۋى ءتيىس. دەنساۋلىق ساقتاۋ مينيسترلىگىنە اكىمدىكتەرمەن بىرلەسىپ، كوروناۆيرۋس ينفەكتسياسىنىڭ تارالۋىنا قارسى كۇرەس بويىنشا جاڭا شارالار كەشەنىن ءبىر اپتا ىشىندە دايىنداۋدى تاپسىرامىن. ءاربىر وڭىردەگى جاعدايدى ەسكەرە وتىرىپ، ىسكە اسىرىلاتىن شارالاردى وزگەرتۋ بويىنشا جەدەل شارالار قابىلدانسىن»، - دەدى اسقار مامين.
