ەلوردا مەن الماتىدا كوروناۆيرۋسقا پ ت ر- تەستىلەۋ ۋاقىتشا جۇرگىزىلمەيدى

نۇر-سۇلتان. قازاقپارات - «وليمپ» زەرتحانالار جەلىسى الماتى مەن نۇر-سۇلتاندا ۋاقىتشا پ ت ر- تەستىلەۋ وتكىزبەيدى، دەپ حابارلايدى قازاقپارات كومپانياعا سىلتەمە جاساپ.

19-21- ماۋسىم ارالىعىندا الماتى قالاسىندا جانە 19-23- ماۋسىم كۇندەرى نۇر-سۇلتان قالاسىندا زەرتحانالار كوروناۆيرۋستى انىقتايتىن پ ت ر- تەستىلەۋگە اناليز قابىلدامايدى.

«وعان سەبەپ - زەرتحانالاردا جۇرگىزىلەتىن پروفيلاكتيكالىق جۇمىستار. 22- ماۋسىمدا الماتىدا تەستىلەۋ قايتا باستالادى. ال 24- ماۋسىمدا نۇر-سۇلتاندا پ ت ر- تەستىلەۋگە ءوتىنىم قابىلدانا باستايدى. وسىنداي قولايسىزدىق ءۇشىن كەشىرىم سۇرايمىز» دەلىنگەن كومپانيا تاراتقان حابارلامادا.

ال سوعان دەيىن وپەراتورعا حابارلاسقان ازاماتتاردىڭ تەست تاپسىرۋ جونىندەگى ءوتىنىشى كۇشىندە قالادى. سوندىقتان قايتا قوڭىراۋ شالىپ، ءوتىنىم بەرۋ مىندەتتى ەمەس. سونداي-اق كوروناۆيرۋسقا قارسى انتيدەنە بويىنشا تەست تاپسىرۋ بۇرىنعى رەجيمدە جالعاسادى.