كوروناۆيرۋس: اقتاۋدان ۇشاتىن ءبىرقاتار حالىقارالىق رەيس كەيىنگە قالدى

اقتاۋ. قازاقپارات - كوروناۆيرۋس پاندەمياسىنا بايلانىستى اقتاۋ حالىقارالىق اۋەجايىنان ۇشاتىن ءبىرقاتار رەيستەر كەيىنگە قالدى، دەپ حابارلايدى قازاقپارات اۋەجايدىڭ باسپا ءسوز قىزمەتىنە سىلتەمە جاساپ.

اۋەجايدىڭ مالىمەتىنشە، COVID-19 قاۋپىنە بايلانىستى بىرنەشە اۋە تاسىمالداۋشى اقتاۋدان حالىقارالىق رەيستەردى كەيىنگە شەگەرگەن.

اتاپ ايتقاندا، SCAT كومپانياسى 30- ماۋسىمعا دەيىن مىنا رەيستەردى توقتاتتى:

DV805/806 اقتاۋ- ماسكەۋ-اقتاۋ DV811/812

اقتاۋ- ىستانبۇل- اقتاۋ DV829/830 اقتاۋ- كراسنودار- اقتاۋ

DV831/832 اقتاۋ- مينەرالدىسۋ- اقتاۋ

DV835/836 اقتاۋ- استراحان- اقتاۋ

DV837/838 اقتاۋ- ماحاچكالا- اقتاۋ

DV841/842 اقتاۋ- تبيليسي- اقتاۋ

DV849/850 اقتاۋ- باكۋ- اقتاۋ

سونىمەن قاتار، رەسەيلىك «اەروفلوت» كومپانياسى دا 1- ماۋسىمنان باستاپ 16- قىركۇيەككە دەيىن ماسكەۋ-اقتاۋ-ماسكەۋ رەيسى بويىنشا ۇشپايتىن بولعان. ال «Belavia» اۋە كومپانياسى مينسك-اقتاۋ-مينسك رەيسىن كەيىنگە شەگەردى.