قىركۇيەككە دەيىن كۇرەستەن حالىقارالىق جارىستار وتكىزىلمەيدى
بۇل تۋرالى قاۋىمداستىقتىڭ ونلاين وتكەن جيىنىندا بەلگىلى بولدى، دەپ حابارلايدى Olympic.kz. اتالعان باس قوسۋدا 2020-2021-جىلدارداعى جارىستار كۇنتىزبەسىنە وزگەرىس ەنگەنى دە تالقىلانعان.
قاۋىمداستىق پرەزيدەنتى سپورتشىلار مەن جانكۇيەرلەر ءۇشىن قاۋىپسىز كەزەڭ باستالعاندا عانا كۇرەس تۋرنيرلەرى باستالاتىندىعىن اتاپ وتكەن. ⠀
ەڭ الدىمەن 1- قىركۇيەك پەن 30- قازان ارالىعىندا جاس وسپىرىمدەر، جاستار جانە 23 جاسقا دەيىنگىلەردىڭ جارىستارىن وتكىزۋ قاراستىرىلعان. جاس وسپىرىمدەر اراسىندا الەم چەمپيوناتىن قاراشانىڭ سوڭى نەمەسە جەلتوقساننىڭ باسىندا بەلگرادتا وتەدى.
كادەتتەر، ارداگەرلەر اراسىنداعى الەم چەمپيوناتىن بۇل ماۋسىمدا وتكىزۋ قاراستىرىلماعان.
2020-جىلى ەرەكسەكتەر اراسىندا الەم چەمپيوناتىن وتكىزۋدى دە جوسپارلاپ وتىر. ول جاعى ءا چ وتكىزۋگە قۇلىق تانىتقان ەلدەردىڭ كۇرەس فەدەراتسيالارى ءوتىنىم بەرگەننەن كەيىن بەلگىلى بولماق.
2021-جىلى كۇنتىزبەلىك جوسپار بويىنشا الەم چەمپيوناتىن ءوتۋى كەرەك. ءبىراق كەلەر جىلى توكيودا وليمپيادا وتەتىندىكتەن وليمپيادالىق ەمەس سالماقتاردىڭ چەمپيوناتى ءوتۋى ءتيىس.
بۇل دا ءالى ناقتىلانىپ، پىسىقتالاتىن شارۋا بولىپ قالا بەرمەك.
