تيمۋر قۇلىبايەۆ پرەزيدەنتكە كاسىپكەرلىكتىڭ ت ج رەجيمىنەن كەيىنگى جاعدايى تۋرالى ايتتى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ بەينەبايلانىس ارقىلى «اتامەكەن» ۇلتتىق كاسىپكەرلەر پالاتاسىنىڭ ءتورالقا ءتوراعاسى تيمۋر قۇلىبايەۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

قارجى نارىعىن رەتتەۋ اگەنتتىگى شاعىن بيزنەستى قولداۋ ءتارتىبىن بەكىتتى «اتامەكەن» ۇ ك پ ءتورالقا ءتوراعاسى مەملەكەت باسشىسىنا كاسىپكەرلىكتىڭ توتەنشە جاعداي رەجيمى جانە كارانتين شەكتەۋلەرىنەن كەيىنگى جاعدايى تۋرالى ايتتى. تيمۋر قۇلىبايەۆ بيزنەستىڭ زارداپ شەككەن سالالارىنىڭ تۇيتكىلدى ماسەلەلەرىن تالقىلاۋ بويىنشا جۇمىس كەزدەسۋلەردىڭ وتكەنىن ايتىپ، ونىڭ الدىن الا قورتىندىسى تۋرالى اقپارات بەردى.

«اتامەكەن» ۇ ك پ باستاماسىمەن وتكەن بىرلەسكەن كەزدەسۋلەرگە ق ر پرەمەر- ءمينيسترى، ۇكىمەت مۇشەلەرى، وبلىستار مەن نۇر- سۇلتان، الماتى، شىمكەنت قالالارىنىڭ اكىمدىكتەرى مەن بيزنەس- قوعامداستىق قاتىستى. مەملەكەت باسشىسىنا جۇمىسپەن قامتۋ جانە قولداۋ شارالارىنىڭ تيىمدىلىگىنە قاتىستى كاسىپكەرلەر اراسىندا جۇرگىزىلگەن ساۋالنامالاردىڭ قورىتىندىسى تۋرالى دا باياندالدى. اتالعان ساۋالنامالارعا 65 مىڭعا جۋىق بيزنەس سۋبەكتىسى قاتىسقان.

بۇدان بولەك، قازاقستان پرەزيدەنتىنە ۇكىمەت، جەرگىلىكتى اتقارۋشى ورگاندار مەن «اتامەكەن» ۇ ك پ- نىڭ بىرلەسىپ، جۇمىسپەن قامتۋ ماسەلەلەرى جونىندەگى ءبىرىڭعاي احۋالدىق ورتالىق اشۋ تۋرالى ۇسىنىس ايتىلدى.