الماتىدا كوروناۆيرۋس جۇقتىرعاندار سانى ەكى ەسە ءوستى - جانداربەك بەكشين

الماتى. قازاقپارات - الماتىدا سوڭعى ەكى اپتادا ۆيرۋس جۇقتىرعانداردىڭ سانى ەكى ەسەگە ءوسىپ كەتتى.

بۇل تۋرالى ونلايىن بريفينگ بارىسىندا قالانىڭ مەملەكەتتىك باس سانيتارلىق دارىگەرى جانداربەك بەكشين ءمالىم ەتتى، دەپ حابارلايدى قازاقپارات ءتىلشىسى.

«قازىر الماتىدا ەپيدەميولوگيالىق احۋال كۇردەلەنىپ كەتتى. تۇرعىندار اراسىندا ىندەت جۇقتىرعانداردىڭ سانى كۇرت ءوسىپ بارادى. ماسەلەن سوڭعى ەكى اپتادا ەكى ەسەگە ارتتى. قالا تۇرعىندارىنىڭ دەنساۋلىعىن ساقتاۋ، ەپيدەميولوگيالىق جاعدايدى قالىپتاستىرۋ، كوروناۆيرۋس يننفەكتسياسىنىڭ تارالۋىنا جول بەرمەۋ ماقساتىندا وسى سەنبى- جەكسەنبى كۇندەرى قالاداعى ءىرى ساۋدا ورىندارى مەن بازارلار جابىلادى»، - دەدى جانداربەك بەكشين.

بۇعان دەيىن، الماتى اكىمى كارانتيننىڭ كۇشەيتىلۋىنە بايلانىستى تۇرعىندارعا ۇندەۋ جولداعان بولاتىن.