ق ر پرەمەر-ءمينيسترىنىڭ ورىنباسارى كوروناۆيرۋس جۇقتىردى
«قۇرمەتتى قازاقستاندىقتار! مەنىڭ دە وقشاۋلانۋىما تۋرا كەلدى. ينفەكسيادان قانشا ساقتانسام دا، بولمادى. كوروناۆيرۋس ينفەكسياسىنىڭ سيمپتومسىز فورماسىن انىقتادى. تەزىرەك ساۋىعىپ، جۇمىسقا ورالۋ ءۇشىن دارىگەرلەردىڭ بارلىق نۇسقاۋىن ورىنداپ جاتىرمىن. ازاماتتاردان بارلىق قاۋىپسىزدىك شارالارىن ۇستانۋدى ءوتىنىپ سۇرايمىن. ماسكا تاعىپ، انتيسەپتيك قولدانىپ، ۇنەمى قولدارىڭىزدى جۋىپ جۇرىڭىزدەر. بارلىق گيگيەنا ەرەجەلەرىن ساقتاعاندارىڭىز دۇرىس. بارلىعىڭىزعا مىقتى دەنساۋلىق تىلەيمىن!»، - دەپ جازدى ەرالى توعجانوۆ فەيسبۋكتەگى پاراقشاسىنا.
ەسكە سالايىق، بۇعان دەيىن ەلباسى نۇرسۇلتان نازاربايەۆ كوروناۆيرۋسقا بايلانىستى وقشاۋلانعانى حابارلاندى. سونداي-اق، ق ر پرەزيدەنتىنىڭ باسپا ءسوز حاتشىسى بەرىك ءۋالي قاسىم-جومارت توقايەۆتىڭ كوروناۆيرۋسقا تاپسىرعان تەست سىنامالارى تەرىس ناتيجە كورسەتكەنىن جازدى.
