نۇر-سۇلتاندا دەمالىس كۇندەرى ازىق-تۇلىك دۇكەندەرى عانا جۇمىس ىستەيدى
قالا اكىمدىگىنىڭ مالىمەتىنشە، جۇمىس ۋاقىتى ساعات 10.00-دەن 17.00-گە دەيىن. بۇعان قوسا دەمالىس كۇندەرى بارلىق و س و، ساۋدا ۇيلەرى، جەلىلىك دۇكەندەر، جابىق ازىق-تۇلىك جانە ازىق-تۇلىك ەمەس بازالارلار مەن دۇكەندەردىڭ جۇمىسى توقتاتىلادى.
«قازىر قالادا ىندەتتىڭ ەكى - وتباسىلىق جانە ۇجىمدىق وشاعى بارىن ەسكەرىپ، ەلوردادا «ۇيدەگى دەمالىستى» ەنگىزۋ تۋرالى شەشىم قابىلداندى. بۇگىندە بىزگە، دارىگەرلەرگە ىندەتتى جۇقتىرۋ قارقىنىن تومەندەرۋ جانە تىزبەكتى جويۋ كەرەك. ايتپەسە ينفەكتسيا ۇدەپ بارادى. قالا تىرلىگىن قامتاماسىز ەتەتىن كاسىپورىندار مەن ۇيدەگى ازىق-تۇلىك دۇكەندەرى عانا جۇمىس ىستەيدى. ءتىپتى، بازارلار دا جابىلادى. قالا تۇرعىندارى سەنبىگە دەيىن قاجەتتى ازىق-تۇلىك ساتىپ الۋى كەرەك. الايدا دۇربەلەڭ تۋدىرماعان ءجون، سەبەبى ءار ءۇيدىڭ اۋلاسىندا ازىق-تۇلىك دۇكەندەرى بار. ادامدار بۇل كۇندەرى ۇيلەرىندە وتىرۋى ءتيىس. اسا قاجەتتىلىك بولماسا ۇيدەن شىقپاۋ كەرەك»، - دەدى قالانىڭ باس سانيتارلىق دارىگەرى جاننا پىراليەۆا.
بۇدان بولەك، 20-21-ماۋسىمدا ءدارىحانالار مەن كوشەدەگى ءدامحانالار فورماتىنداعى اشىق اسپان استىنداعى قوعامدىق تاماقتانۋ ورىندارىنا جۇمىس ىستەۋگە رۇقسات بەرىلەدى. ولار سانيتارلىق تالاپتاردى قاتاڭ ساقتاۋى ءتيىس.
ايتا كەتەيىك، بۇگىن ق ر پرەمەر-ءمينيسترى اسقار ءماميننىڭ توراعالىعىمەن ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) سەلەكتورلىق وتىرىسى ءوتتى. وندا نۇر-سۇلتان، الماتى، قاراعاندى، شىمكەنت، پاۆلودار، ەكىباستۇز قالالارى بويىنشا ءبىرقاتار شەكتەۋلەر شارالارى قابىلدانعان ەدى.
