ەلىمىزدەگى ەكى ۇلكەن قالادا دەمالىس كۇندەرى قوعامدىق كولىك جۇرمەيدى
قالا اكىمدىگىنىڭ مالىمەتىنشە، بۇل كۇندەرى اۆتوبۋستارعا زالالسىزداندارۋ جۇمىستارى جۇرگىزىلەدى. قوعامدىق كولىك قالىپتاسقان رەجيمگە 22-ماۋسىمدا دۇيسەنبى كۇنى ورالادى. بۇدان بولەك بارلىق قوعامدىق ورىندار: ساياباقتار، گۇلزارلار، جاعالاۋلار، جاعاجايلار جانە باسقا دا حالىق كوپ جينالاتىن جەرلەر جابىلادى. قورعانىس مينيسترلىگىنىڭ كۇشىمەن ادام كوپ جۇرەتىن ورىنداردا (ساياباقتار، گۇلزارلار جانە ت. ب. ) اۋقىمدى زالالسىزداندىر جۇمىستارى قولعا الىنادى.
ايتا كەتە كەتەيىك، بۇگىن ق ر پرەمەر-ءمينيسترى اسقار ماميننىڭ توراعالىعىمەن ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) سەلەكتورلىق وتىرىسى ءوتتى. وندا نۇر-سۇلتان، الماتى، قاراعاندى، شىمكەنت، پاۆلودار، ەكىباستۇز قالالارى بويىنشا ءبىرقاتار شەكتەۋلەر شارالارى قابىلدانعان ەدى.
سونداي -اق، الماتىدا 20-21-ماۋسىم كۇندەرى قوعامدىق كولىك مارشرۋتقا شىقپايدى. بۇل تۋرالى بۇگىن قالا اكىمى باقىتجان ساعىنتايەۆ ق ر پرەمەر-ءمينيسترى توراعالىعىمەن ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) سەلەكتورلىق وتىرىسىنان سوڭ ايتتى.
«قاۋىپتى ىندەتتىڭ ۋشىعا تۇسۋىنە بايلانىستى ۇكىمەت ەپيدجاعدايدى تۇراقتاندىرۋ بويىنشا جاڭا شارالاردى قولعا الدى. وسى ورايدا الماتىدا دا كارانتين رەجيمىن كۇشەيتۋ بويىنشا قوسىمشا شارالار قابىلداندى. سەنبى- جەكسەنبى، ياعني 20-21-ماۋسىم كۇندەرى قوعامدىق كولىكتىڭ قىزمەتى توقتاتىلادى. وسىعان بايلانىستى قالا تۇرعىندارىن بۇل جۇمىستارعا تۇسىنىستىكپەن قاراۋعا شاقىرامىن. كارانتين شارالارىن بوساڭسىتۋ - COVID-19-دىڭ ورشۋىنە اكەپ سوقتى. قالا تۇرعىندارىنان كوشەدە ءجۇرۋىن شەكتەتۋىن سۇرايمىز. اسىرەسە قارت ادامداردىڭ ۇيدە وتىرعانى ابزال»، - دەدى قالا اكىمى.
ودان بولەك دەمالىس كۇندەرى ساياباقتار، سكۆەرلەر مەن جاياۋ جۇرگىنشىلەر ايماعى، وزەندەر مەن سۋ قويمالارىنىڭ جاعالاۋلارى، تاۋ شاڭعىسى كۋرورتتارى جانە باسقا دا قوعامدىق ورىندار، ءىرى ساۋدا جانە قىزمەت كورسەتۋ نىساندارى جابىلادى. قوسىمشا اقپاراتتاردى 1308 نومىرىندەگى call-ورتالىقتان بىلۋگە بولادى. بۇعان دەيىن ق ر پرەمەر-ءمينيسترى اسقار ءماميننىڭ توراعالىعىمەن ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) سەلەكتورلىق وتىرىسى وتكەنىن جازعان ەدىك. وندا ق ر پرەزيدەنتى قاسىم-جومارت توقايەۆتىڭ تاپسىرماسىنا سايكەس قازاقستانداعى ەپيدەميولوگيالىق جاعدايدى تۇراقتاندىرۋ بويىنشا قوسىمشا شارالار قارالدى.
