15:45, 18 - ماۋسىم 2020 | GMT +5
تاربيەشىسى بالالاردى ۇرعان بالاباقشادا تەكسەرۋ باستالدى - الماتى
الماتى. قازاقپارات - الماتىدا بالاباقشا تاربيەشىسىنىڭ بالالاردى قۇلاعىنان بۇراپ، جەكىگەنى ۆيدەوكامەرالارعا ءتۇسىپ قالعان، دەپ حابارلايدى قازاقپارات ءتىلشىسى.
بەينەكادردا تاربيەشى ورىندىقتا اينالا وتىرعان بالالاردىڭ ءبىرىن قۇلاعىنان بۇراپ، باسقا بولمەگە قۋىپ شىققان. از ۋاقىتتان سوڭ ەكىنشى بالانى دا سولاي كەلەسى بولمەگە قامادى. قالالىق ءبىلىم باسقارماسىنىڭ حابارلاۋىنشا، بۇل وقيعا №7-بالاباقشادا بولعان. قازىر تەكسەرۋ جۇمىستارىن جۇرگىزۋ ءۇشىن ارنايى كوميسسيا قۇرىلعان.
«بۇل دەرەك بويىنشا لاۋازىمدى تۇلعالاردىڭ بارىنە قاتىستى زاڭعا سايكەس شارا قابىلداناتىن بولادى. كادر سىرتىنداعى داۋىس باقشا مەڭگەرۋشىسىنىڭ داۋسى ما ول جاعى بەلگىسىز. زاڭ الدىندا ءبارى بىردەي. تەكسەرۋ ناتيجەسى تۋرالى كەيىنىرەك ايتاتىن بولامىز»، - دەدى قالالىق ءبىلىم بەرۋ باسقارماسىنىڭ باسپا ءسوز حاتشىسى قۋاندىق ەشىمەت.
