ب ۇ ۇ- دا قاۋىپسىزدىك كەڭەسىنىڭ تۇراقتى ەمەس جاڭا مۇشەلەرى سايلاندى
داۋىس بەرۋ ناتيجەسى بويىنشا ءۇندىستان مەن مەكسيكا تيىسىنشە 184 جانە 187 قاجەتتى داۋىس جينادى.
باتىس ەلدەرى توبىنىڭ اراسىندا نورۆەگيا مەن يرلانديا سايكەسىنشە 130 جانە 128 داۋىس جيناپ، جەڭىسكە جەتتى.
ەڭ كۇردەلى ديپلوماتيالىق تارتىس افريكا ەلدەرى اراسىندا بولدى. مۇندا جەڭىمپاز داۋىس بەرۋدىڭ ەكىنشى كەزەڭىندە انىقتالادى.
ويتكەنى كانديداتتاردىڭ ەشقايسىسى، اتاپ ايتقاندا كەنيا مەن دجيبۋتي (سايكەسىنشە 113 جانە 78 داۋىس) ءتيىستى داۋىستى جيناي المادى.
ەسكە سالا كەتەيىك، قاۋىپسىزدىك كەڭەسىنىڭ تۇراقتى ەمەس مۇشەلىگىنە ءوتۋ ءۇشىن كانديداتتار باس اسسامبلەيا دەلەگاتتارىنىڭ 2/3 داۋىسىن جيناۋى ءتيىس. ادەتتە ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلەرىن سايلاۋ ءبىر كۇن عانا وتكىزىلەدى.
ءبىراق بۇل جولى كوروناۆيرۋسكە بايلانىستى بۇۇ كۇنىنە ءبىر-اق رەت داۋىس بەرۋدى ۇيعاردى.
وسىلايشا، بۇۇ قاۋىپسىزدىك كەڭەسىنىڭ تۇراقتى ەمەس مۇشەلەرىنىڭ بەسىنشى جاڭا مۇشەسى ەرتەڭ انىقتالادى. COVID-19 قاۋپىنە بايلانىستى ب ۇ ۇ باس اسسامبلەياسى ءوز تاريحىندا ەڭ ەرەكشە داۋىس بەرۋ ءراسىمىن وتكىزدى. ءار ەلدەن كەلگەن دەلەگاتتار باس اسسامبلەيانىڭ بوس تۇرعان زالىنا ءبىر-بىردەن ماسكامەن كىرىپ، سودان كەيىن داۋىس بەرىپ، بىردەن ب ۇ ۇ شتاب- پاتەرىنەن شىعىپ كەتتى.
