جاپونيا كوروناۆيرۋسكە قارسى ۆاكتسينانى سىناقتان وتكىزۋدە
وساكا پرەفەكتۋراسىنىڭ دەنساۋلىق ساقتاۋ ورگاندارى جەرگىلىكتى ۋنيۆەرسيتەتتەرمەن بىرلەسە وتىرىپ، COVID-19 ۆيرۋسىنا قارسى ۆاكتسينانى دايىنداۋدا.
جانۋارلارعا سىناما تەستتەر جاسالدى وساكا گۋبەرناتورى يوشيمۋرا حيروفۋمي كلينيكالىق سىناقتان وتكىزۋ شارالارىنىڭ ءبىرىنشى كەزەڭىندە دەنساۋلىق ساقتاۋ سالاسىنىڭ 20-30- قىزمەتكەرىنە ەكپە جاسالاتىنىن ءمالىم ەتتى. پرەفەكتۋرا باسشىسىنىڭ ايتۋىنشا، ۆيرۋسقا قارسى ءدارى-دارمەك پەن ۆاكتسينانى جاساپ شىعارۋ وتە ماڭىزدى.
وساكا بۇل ماقساتقا ءبىرىنشى قادام جاساپ وتىر. ۆاكتسينا قاۋىپسىز بولىپ تانىلعاندا، وساكا پرەفەكتۋراسىنىڭ ۇكىمەتى اعىمداعى جىلدىڭ قازان ايىندا سىناۋ جۇمىستارىنا تاعى بىرنەشە جۇزدەگەن ادامدى قاتىستىرماق. ۆاكتسينانى ازىرلەۋ وڭ ناتيجەسىن بەرسە، جاپونيا 2020-جىلدىڭ سوڭىنا قاراي 200 مىڭعا دەيىن دوزا دايىنداپ، قاداعالاۋ ورگاندارىنىڭ كەلەسى جىلعا رۇقساتىن الۋدى جوسپارلاپ وتىر.
قازىرگى كەزدە جاپونيانىڭ 17600 دەن استام ازاماتىندا كوروناۆيرۋس راستالىپ، ىندەتتەن كوز جۇمعاندار سانى 930 ادامنان استى.
