اسحات ايماعامبەتوۆ ەلشىلىك وكىلدەرىمەن ونلاين كەزدەستى
«جيىنعا قاتىسۋشىلار قازاقستاندىق جوعارى ءبىلىم سالاسىن ينتەرناتسيوناليزاتسيالاۋ بويىنشا حالىقارالىق ىنتىماقتاستىق، شەتەلدىك عالىمداردى تارتۋ، اكادەميالىق موبيلدىلىكتى دامىتۋ، «بولاشاق» باعدارلاماسىن جاڭعىرتۋ، الماسۋ باعدارلامالارىن دامىتۋ جانە بىرلەسكەن عىلىمي زەرتتەۋلەر جۇرگىزۋگە قاتىستى ماسەلەلەرىن تالقىلادى»، - دەلىنگەن ۆەدومستۆونىڭ باسپا ءسوز حابارلاماسىندا.
ءمالىم ەتىلگەندەي، مينيسترلىك بىرلەسكەن عىلىمي زەرتتەۋلەر جۇرگىزۋ كەزىندە حالىقارالىق ىنتىماقتاستىقتى، سونداي-اق ستۋدەنتتەر مەن وقىتۋشىلاردىڭ اكادەميالىق ۇتقىرلىعىن دامىتۋ، جوعارى وقۋ ورىندارىندا قوس ديپلومدى باعدارلامالار اشۋ، تەپە-تەڭ نەگىزدە گرانتتار ءبولۋ جانە ءبىلىم تۋرالى قۇجاتتاردى تانۋ ماسەلەلەرىن قامتيتىن تۇجىرىمدامالار دايىنداپ، 20 كەلىسىمشارتقا قول قويۋعا ازىرلەنىپ جاتىر.
«الماسۋ باعدارلاماسى اياسىندا جىل سايىن شەتەلدىك ج و و- لاردا 610 نان استام ستۋدەنت گرانت بويىنشا ءبىلىم الادى. بيىل ولاردىڭ سانى - 300 گە جۋىق. سونىمەن قاتار قازاقستاندىق جوعارى وقۋ ورىندارىندا كۆوتا سانى دا ارتتى، بۇگىندە 345 كە جۋىق شەتەلدىك ازاماتتىڭ قازاقستاندا ءبىلىم الۋىنا بولادى. جاقىن بولاشاقتا جاقىن جانە الىس شەت ەلدەرمەن ىنتىماقتاستىقتا بولۋ ءۇشىن ءبىلىم بەرۋ سالاسىنداعى اۋقىمى كەڭ ماسەلەلەر بويىنشا 20 كەلىسىمگە قول قويۋدى جوسپارلاپ وتىرمىز»، - دەدى ق ر ءبىلىم جانە عىلىم ۆيتسە-ءمينيسترى رۇستەم بيعاري.
سينگاپۋرداعى قازاقستان ەلشىلىگىنىڭ وكىلى ۆيتالي الەكساندروۆ وتكەن جىلى سينگاپۋردىڭ كاسىبي جانە تەحنيكالىق ءبىلىم بەرۋ سالاسىنداعى ءىرى وقۋ ورىندارىنىڭ بىرىمەن سەرىكتەستىك قارىم-قاتىناس ورناتىلعانىن اتاپ ءوتتى.
سينگاپۋرلىق تاراپپەن قازاقستاندىق كوللەدجدەردىڭ پەداگوگتەرىنە بىلىكتىلىگىن ارتتىرۋعا 115 گرانت ءبولۋ تۋرالى كەلىسىمگە كەلدى. جيىنعا يسپانيا، گەرمانياداعى، يتاليا، چەح رەسپۋبليكاسى، پولشا، نيدەرلاندى، فرانسيا، ۆەنگريا، ۇلى بريتانيا، فينليانديا، تۇركيا، ق ح ر، كورەيا، جاپونيا، كاتار، مالايزيا، سينگاپۋر، ب ا ءا، اۆستراليا، رەسەي فەدەراتسياسى، ۋكراينا، وزبەكستان، قىرعىزستانداعى جانە باسقا دا ەلدەردەگى ەلشىلىكتەر مەن كونسۋلدىقتاردىڭ وكىلدەرى قاتىستى.
ەسكە سالايىق، ق ر ءبىلىم جانە عىلىم ءمينيسترى اسحات ايماعامبەتوۆ كوروناۆيرۋسكە بايلانىستى ۇيىندە وقشاۋلانۋ رەجيمىنە كوشىپ، قاشىقتان جۇمىس ىستەي باستادى.
