ەلوردادا كوروناۆيرۋس جۇقتىرعانداردى اۋرۋحاناعا جاتقىزۋ ءتارتىبى ءتۇسىندىرىلدى

نۇر-سۇلتان. قازاقپارات - نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا كوروناۆيرۋسپەن اۋىرعانداردى اۋرۋحاناعا جاتقىزۋ ءتارتىبىن ءتۇسىندىردى، دەپ حابارلايدى قازاقپارات ءتىلشىسى.

«ەگەر ناقتى كوروناۆيرۋس ينفەكسياسىنا توقتالساق، اۋماقتىق ەمحانالار شەشىمى بويىنشا جەدەل جاردەم اۋرۋحاناعا جەتكىزەدى. ك ۆ ي تىركەلگەن جاعدايدا اۋماقتىق ەمحانالار وسى ەپيدەميولوگيالىق وشاقتى باقىلاۋعا الىپ، ىندەتتىڭ سيمپتومسىز نەمەسە سيمپتومدى ەكەنىن انىقتايدى»، - دەدى س. قيسىقوۆا ورتالىق كوممۋنيكاتسيالار قىزمەتىندە.

ونىڭ سوزىنشە، ەمحانادان تىس تۇرعىن ءوزى حابارلاسسا، وندا جوعارى قاۋىپتى ەسكەرە وتىرىپ، جەدەل جاردەم ستانسياسىنىڭ قىزمەتكەرلەرى پاتسيەنتتى اۋرۋحاناعا جەتكىزەدى.

«ەگەر قولدارىندا ناقتىلانعان اناليز بولماسا، اۋرۋحاناعا جەتكىزەدى، پروۆيزورلىق ستاتسيونارعا كونسۋلتاتسياعا الىپ بارادى. وندا بارشاسىنا كوروناۆيرۋس ينفەكسياسى بويىنشا تەست جاسالىپ، ادامداردىڭ اعزاسى تەكسەرۋدەن وتەدى. سول جەردە اۋرۋحاناعا جاتقىزۋ ماسەلەسى شەشىلەدى. ينفەكتسيا ناقتىلانسا، ناۋقاس ينفەكسيالىق ستاتسيونارعا اۋىستىرىلادى»، - دەدى ساۋلە قيسىقوۆا.

ايتا كەتەيىك، ساۋلە قيسىقوۆا كوروناۆيرۋس ينفەكسياسىن جۇقتىرعان ادامدار ءبىرىنشى كەزەكتە نە ىستەۋ كەرەكتىگىن ءتۇسىندىردى. ونىڭ سوزىنە قاراعاندا، دەنە قىزۋى 38 گرادۋستان جوعارى بولسا، 500 ميلليگرامنان پاراتسەتامول جانە كۇنىنە ءبىر رەت اسپيرين (150 ميلليگرام) قابىلداۋى كەرەك.

اۆتور: رۋسلان عابباسوۆ