كوروناۆيرۋس جۇقتىرعان ادام نە ىستەۋ كەرەك

نۇر-سۇلتان. قازاقپارات - نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا كوروناۆيرۋس ينفەكسياسىن جۇقتىرعان ادامدار ءبىرىنشى كەزەكتە نە ىستەۋ كەرەكتىگىن ءتۇسىندىردى، دەپ حابارلايدى قازاقپارات ءتىلشىسى.

«تاعى دا ەسكە سالىپ وتەيىن، ەگەر كوروناۆيرۋس ينفەكسياسىنا تاپسىرعان اناليزدەن ىندەت انىقتالسا، وندا ۇيدە وقشاۋلانۋ كەرەك. وسى ورايدا ماسكا تاعۋ رەجيمىن ساقتاپ، كۇنىنە ءۇش مارتە تەرمومەتريا جۇرگىزۋ قاجەت. سونىمەن قاتار، جەكە گيگيەنانىڭ بارلىق شارالارىن ورىنداپ، جەكە ىدىستاردى پايدالانىپ، بولمەنى جەلدەتكەن دۇرىس»، - دەدى س. قيسىقوۆا ورتالىق كوممۋنيكاتسيالار قىزمەتىندە.

ونىڭ سوزىنە قاراعاندا، دەنە قىزۋى 38 گرادۋستان جوعارى بولسا، 500 ميلليگرامنان پاراتسەتامول جانە كۇنىنە ءبىر رەت اسپيرين (150 ميلليگرام) قابىلداۋ كەرەك. ساۋلە قيسىقوۆانىڭ ايتۋىنشا، 3-5 كۇن ارالىعىندا دەنە قىزۋىنىڭ كوتەرىلۋى كورناۆيرۋس ينفەكسياسى قالىپتى دارەجەدە ءوتىپ جاتقاندا بايقالادى.

«اۋماقتىق تىركەلۋ جەرىنە قاراي جەدەل جاردەم نەمەسە ەمحانانىڭ call-ورتالىعىنا حابارلاۋ كەرەك. وسى ورايدا كارانتين جايىندا جانە نە سەبەپتى حابارلاسقانىڭىزدى ەسكەرتۋ قاجەت»، - دەدى ول. وسى ورايدا س. قيسىقوۆا قارتتار، جۇرەك-قان تامىرى ءارى ونكولوگيالىق اۋرۋى بارلار، ترانسپلانتاتسيالاۋدان وتكەن تۇرعىندار وزدەرىن ەمدەۋمەن اينالىسپاي، بىردەن ۋچاسكەلىك دارىگەرمەن بايلانىسقا شىعۋى كەرەكتىگىن ەسكەرتتى.

اۆتور: رۋسلان عابباسوۆ