ەلوردادا ك ۆ ي جۇقتىرعان جۇكتى ايەلدەر بوساناتىن جەكە پەرزەنتحانا اشىلادى
بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ءمالىم ەتتى، دەپ حابارلايدى قازاقپارات ءتىلشىسى.
«قازىرگە دەيىن قالانىڭ ينفەكسيالىق ستاتسيونارلارىندا كوروناۆيرۋس جۇقتىرعان انالار 17 نارەستەنى دۇنيەگە اكەلدى. جالپى، نۇر-سۇلتان قالاسىندا ينفەكتسياعا شالدىققان 112 جۇكتى ايەل تىركەلدى. ونىڭ ىشىندە ستاتسيونارلاردا 78 جۇكتى ايەل بار»، - دەدى س. قيسىقوۆا ورتالىق كوممۋنيكاتسيالار قىزمەتىندە.
سونىمەن قاتار، قازىرگى جاعدايعا بايلانىستى اتقارىلىپ جاتقان شارالارعا توقتالدى.
«قازىرگى كەزدە جۇمىلدىرىلعان ستاتسيونارلار سانى 10 عا جەتتى. قوسىمشا پروۆيزورلىق ستاتسيونارلارداعى ورىندار سانى 300 دەن 705 كە دەيىن جەتكىزىلدى. بۇگىن جۇمىس كۇنى اياقتالعانعا دەيىن بولەك پەرزەنتحانىنى نەمەسە COVID-پەريناتالدىق ورتالىقتى اشۋ كوزدەلگەن. ياعني، وسى ءىس قايتا بەيىندەۋ ەسەبىنەن جۇزەگە اسىرىلادى»، - دەدى ساۋلە قيسىقوۆا.
اۆتور: رۋسلان عابباسوۆ
