جاقىنىڭا جاناشىر بول: دەپۋتاتتار كارانتيندى ۇلتتىق دەڭگەيدە ەنگىزۋدى سۇرادى

نۇر-سۇلتان. قازاقپارات - بۇگىن پارلامەنت ءماجىلىسىنىڭ جالپى وتىرىسىندا ۇلتتىق دەڭگەيدە قوسىمشا كارانتين شارالارىن ەنگىزۋ ماسەلەسى كوتەرىلدى.

وسى ورايدا ۇكىمەت باسشىسى اسقار ماميننىڭ اتىنا دەپۋتاتتىق ساۋال جولداندى، دەپ حابارلايدى قازاقپارات ءتىلشىسى.

ۇكىمەتتىڭ پاندەمياعا قارسى ءبىرىنشى كەزەڭدەگى ءىس-قيمىلدارى جوعارى باعالانىپ وتىرعانىنا توقتالعان دەپۋتات مەرۋەرت قازبەكوۆا: «وسىنىڭ ناتيجەسىندە، باسقا ەلدەرمەن سالىستىرعاندا پاندەميا ايتارلىقتاي باياۋلادى. ونىمەن ءبىر مەزگىلدە، ءبىرقاتار وڭىردە شەكتەۋلەر جويىلعاننان كەيىن، كوروناۆيرۋسقا شالدىعۋدىڭ كۇرت ءوسىمى بايقالدى»، - دەدى.

وسى ورايدا ول حالىق تاراپىنان ءتيىستى شاعىمدار كەلىپ ءتۇسىپ جاتقانىن جەتكىزدى. شاعىمداردىڭ باسىم بولىگى كوروناۆيرۋسقا قاتىستى تەستىلەردىڭ تاپشىلىعىنا بايلانىستى. دەپۋتاتتىڭ ايتۋىنشا، ەلوردادا تەست تاپسىرۋعا كەزەككە تۇرۋ ءۇشىن ەكى كۇن بۇرىن قامدانۋ كەرەك. وسى تەكتەس شاعىمدار وڭىرلەردەن دە بولىپ جاتىر.

«ارينە، اۋرۋدىڭ تارالۋىنا ادامداردىڭ قاۋىپسىزدىك تالاپتارىن ساقتاماۋى اسەر ەتىپ جاتقانى بەلگىلى. سوندىقتان قاۋىپتىلىك جاعدايى جوعارى وڭىرلەردە كارانتيننىڭ كۇشەيتىلۋىن قولدايمىز»، - دەدى م. قازبەكوۆا.

بۇل تۇرعىدا ول قوسىمشا كارانتين شارالارىن ۇلتتىق دەڭگەيدە ەنگىزۋ مۇمكىندىگىن قاراستىرۋدى ۇسىندى. سونىمەن قاتار كوروناۆيرۋستى سيپمتومدى جۇتىرعانداردى اۋرۋحاعانا جاتقىزۋعا قاتىستى شۇعىل شارالار قابىلداۋ كەرەكتىگى ايتىلدى.

اۆتور: رۋسلان عابباسوۆ