جامبىل وبلىسى اكىمىنىڭ اپپاراتىنا جاڭا باسشى كەلدى

تاراز. قازاقپارات - جامبىل وبلىسى اكىمى اپپاراتىنىڭ باسشىسى بولىپ قاناتبەك مادىبەك تاعايىندالدى، دەپ حابارلايدى قازاقپارات ءتىلشىسى.

مادىبەك قاناتبەك قايشىبەك ۇلى 1977 -جىلى جامبىل وبلىسىندا دۇنيەگە كەلگەن، ءبىلىمى جوعارى. 1998 -جىلى قازاق مەملەكەتتىك اگرارلىق ۋنيۆەرسيتەتىن «اۋىل شارۋاشىلىعىن مەحانيكالاندىرۋ» ماماندىعى بويىنشا بىتىرگەن.

ەڭبەك جولىن 1998 -جىلى جاڭاتاس قالاسىنداعى «ۆودوكانال» كاسىپورنىندا ينجەنەر بولىپ باستاعان.

1999-2005 -جىلدارى جامبىل وبلىسى سارىسۋ اۋدانى اكىمى اپپاراتىندا كەڭەسشى، باس مامان، ءبولىم مەڭگەرۋشىسى، 2005-2006 -جىلدارى سارىسۋ اۋدانى جاڭاارىق اۋىلدىق وكرۋگىنىڭ اكىمى، 2006-2010 -جىلدارى جامبىل وبلىسى اكىمى اپپاراتىندا باس ينسپەكتور، ءبولىم مەڭگەرۋشىسى، 2010-2012 -جىلدارى جامبىل وبلىسى اكىمى اپپاراتى باسشىسىنىڭ ورىنباسارى، 2012-2015 -جىلدارى سارىسۋ اۋدانىنىڭ اكىمى، 2015-2016 -جىلدارى جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى، 2016-2019 جامبىل وبلىسى بويىنشا ەكولوگيا دەپارتامەنتىنىڭ باسشىسى قىزمەتتەرىن اتقارعان.

2019 -جىلدىڭ ناۋرىزىنان باستاپ جامبىل وبلىسى سارىسۋ اۋدانىنىڭ اكىمى لاۋازىمىندا قىزمەت اتقارىپ كەلدى.