ديماش قۇدايبەرگەن لاتىن امەريكادا كونسەرت بەرۋ جوسپارىمەن ءبولىستى
ءانشى تىكەلەي ەفير كەزىندە وسىنداي جاڭالىقپەن ءبولىستى، دەپ جازادى dimashnews.com سايتى برازيليالىق «Extra « گازەتىنە سىلتەمە جاساپ. ۇقساس جاڭالىقتار ديماش قۇدايبەرگەننىڭ قازاق تىلىندەگى العاشقى البومى جارىققا شىعادى ديماش قۇدايبەرگەن مەن ارۋجان ساين ب ۇ ۇ وكىلىمەن كەزدەستى قازاقستاندىق جاس مۋزىكانت فاناتتارمەن تىكەلەي ەفير كەزىندە برازيليا تۋرالى تىلگە تيەك ەتكەن. ديماشتىڭ اكەسى قانات ايتبايەۆ تا لاتىن امەريكادا كونسەرتتىڭ الداعى ۋاقىتتا ءوتۋ مۇمكىندىگىن جەتكىزگەن.
«وسىعان دەيىن لاتىن امەريكادا كونسەرتتەر بەرۋ جونىندە ۇسىنىستار الدىق. الايدا، كوروناۆيرۋس پاندەمياسىنا بايلانىستى كەيىنگە قالدىرۋعا تۋرا كەلدى. كارانتين اياقتالعان كەزدە ۇيىمداستىرۋشىلار بىزگە ناقتى ۇسىنىستارىمەن شىعۋى مۇمكىن. ءبىز ارينە، مۇنى ەسكەرەتىن بولامىز. لاتىن امەريكادا كونسەرتتەر بەرۋ ءبىز ءۇشىن قىزىقتى»، - دەدى ءانشىنىڭ اكەسى. برازيليالىق جانكۇيەرلەر ديماشتىڭ كەلەسى تۋرىنا لاتىن امەريكا ەنەتىنىنە نىق سەنىمدى.
سەبەبى، مۇنداعى فان-كلۋب كۇن ساناپ تانىمال بولىپ كەلەدى. ءتىپتى، قازاقستاندىق ورىنداۋشىنىڭ الەمدەگى فان- كلۋبتارى اراسىندا دا تانىمال بولىپ ۇلگەرگەن. اتالمىش ەلدەگى فان- كلۋب (DKFCB) 24-مامىردا برازيليا قالاسىندا ءانشىنىڭ تۋعان كۇنىن اتاپ ءوتۋ ماقساتىندا كەزدەسپەك بولعان. ارنايى باعدارلاما دا جاسالعان ەكەن. مۇمكىندىگى شەكتەۋلى بالالاردى مۋزىكاعا وقىتۋ ءۇشىن قارجى جيناۋدى دا جوسپارلاپتى.
الايدا، COVID-19 پاندەمياسىنا بايلانىستى قايىرىمدىلىق اكسياسىن كەيىنگە قالدىرۋعا تۋرا كەلگەن. فان- كلۋب شىعىس ەۋروپادان اكەلىنگەن ديماشتىڭ قولتاڭباسى بار زاتتاردى ساتۋ ارقىلى 3.100,00 برازيليا رەالىن (250 مىڭ تەڭگە) جيناعان. ول قاراجات از قامتىلعان وتباسىلارعا ءبىر توننا ازىق- تۇلىك جانە تازالىق قۇرالدارىن الۋعا جۇمسالدى.
«ءبىز قايىرىمدىلىق اكتسياسىن ديماشتىڭ تۋعان كۇنى قارساڭىندا وتكىزگىمىز كەلدى. ويتكەنى، ديماش ماحابباتتىڭ، دوستىقتىڭ، تىلەكتەستىك ءبىلدىرۋدىڭ جانە ىنتىماقتاستىقتىڭ بەلگىسى ىسپەتتى. ديماش ءۇشىن بۇل باعالى سىيلىق بولاتىنىنا سەنىمدىمىز»، - دەيدى برازيليالىق فان-كلۋبتىڭ اكىمشىسى تاتيانا ريبەيرو. «DKFCB» فان-كلۋبى 2018 -جىلى قۇرىلعان.
ەسكە سالا كەتسەك جالپى ديماشتىڭ جانكۇيەرلەرى الەمنىڭ تۇكپىر-تۇكپىرىندە بەلسەندىلىك تانىتىپ كەلەدى. جاقىندا عانا ءانشىنىڭ 5 ەلدەگى فاناتتارى «دايديداۋ» ءانىن ورىنداپ، ۆيدەو جاريالاعان بولاتىن. سونىمەن قاتار جۋىقتا ديماش قۇدايبەرگەننىڭ تۇڭعىش قازاقشا البومى جارىققا شىعادى.
