ترامپ ا ق ش پوليتسياسىن رەفورمالاۋ جونىندەگى جارلىققا قول قويدى
ودان بولەك ا ق ش كونگرەسسىندە پوليتسيا جۇيەسىن رەفورمالاۋ تۋرالى زاڭ جوباسى قارالىپ جاتىر دەپ حابارلايدى KAZ. NUR. KZ Centralasian.org قىزمەتىنە سىلتەمە جاساپ.
سەيسەنبى كۇنى قول قويىلعان ا ق ش پرەزيدەنتى دونالد ترامپتىڭ جارلىعىنا سايكەس، پوليتسيا دەپارتامەنتتەرىنە بولىنەتىن گرانتتاردىڭ مولشەرى وزگەرەدى.
سونىمەن بىرگە كادر تاڭداۋدا دا اسقان ساقتىق تالاپ ەتىلگەن. پوليتسيا سالاسىنا بۇرىن زاڭ بۇزعان ادامار الىنباۋى كەرەك.
ايتا كەتەرلىگى، اق ۇيدە وتكەن جارلىققا قول قويۋ راسىمىنە ەلدەگى جاپپاي تارتىپسىزدىكتەر كەزىندە پوليتسيامەن قاقتىعىسىپ، قازا تاپقانداردىڭ تۋىستارى دا قاتىستى.
پرەزيدەنت ءتارتىپ ساقشىلارىنىڭ قوعام الدىندا ەسەپ بەرۋگە ءتيىس ەكەنىن جانە ولاردىڭ كاسىبي بىلىكتىلىگى مەن مورالدىق تالاپتارىنىڭ كوتەرىلۋى تۋرالى مالىمدەدى.
ترامپ ءوز سوزىندە باراك وبامانى سىنعا الىپ، ونىڭ بۇل سالاعا رەفورما جاساۋعا تالپىنباعانىن، سول سەبەپتى بۇل رەفورمانى قازىرگى پرەزيدەنت جاساپ جاتقانىن جەتكىزدى.
