ءۇندىستان مەن قىتاي اراسىنداعى اسكەري قاقتىعىستان ونداعان ادام قازا بولدى - ب ا ق
بۇل تۋرالى ءۇندىستان ارمياسىنىڭ مالىمدەمەسى مەن دەرەككوزگە سىلتەمە جاساپ ANI اگەنتتىگى جازادى، - دەپ حابارلايدى ر ي ا نوۆوستي.
قاقتىعىس 16- ماۋسىمعا قاراعان ءتۇنى ءۇندىستان-قىتاي شەكاراسىنىڭ ورنىن باساتىن باقىلاۋ سىزىعىندا بولعان. بۇل جەردە 45 جىلدان بەرى ءبىرىنشى رەت اسكەر قايتىس بولدى.
16- ماۋسىم كەشكە ءۇندىستان مەن قىتاي باقىلاۋ سىزىعىندا قارۋلى كۇشتەرى ءبىر-بىرىنە قارسىلىق بىلدىرگەن.
«بورىشىن وتەپ جاتقان ءۇندىستاندىق 17 اسكەر قاقتىعىس كەزىندە قاتتى جاراقات العان. تاۋلى ايماقتاعى اۋا قىسىمى مەن العان جاراقاتى سالدارىنان قايتىس بولعاندار سانى 20 عا جەتتى. ءۇندىستان ارمياسى تەرريتوريالىق ءبولىنىسىن جانە ەلدىڭ ەگەمەندىگىن قورعايدى»، - دەلىنگەن ءۇندىستان ارمياسىنىڭ مالىمدەمەسىندە.
قاقتىعىستان كەيىن ق ح ر س ءى م رەسمي وكىلى چجاو ليتسزيان قىتاي قارسىلىق بىلدىرگەنىن جانە شەكاراداعى جاعدايعا بايلانىستى ءۇندىستانعا دالەلدەردى ۇسىنعانىن مالىمدەدى. بەيجىڭ تاراپى ءۇندىستان اسكەريلەرى كەلىسىمدى بۇزىپ، شەكارادان وتكەن جانە قىتايلىق اسكەرلەرگە شابۋىل جاساپ، قاقتىعىس تۋعىزعانىن حابارلادى. ال ءۇندىستان س ءى م قاقتىعىس قىتايلىق اسكەرلەردىڭ گالۆان اڭعارىنداعى باقىلاۋ سىزىعىن ساقتاۋدى ءبىرجاقتى وزگەرتكىسى كەلگەنى ءۇشىن قاقتىعىس شىقتى دەپ حابارلادى.
tengrinews.kz
