الاكولگە ۇشاق باعاسى قانشا تۇرادى؟

نۇر-سۇلتان. قازاقپارات - ق ر يندۋستريا جانە ينفراقۇرىلىمدىق دامۋ مينيسترلىگى الاكولدىڭ شىعىس قازاقستان جانە الماتى وبلىسىنداعى جاعالاۋلارىنا ۇشاق قاتىناسى تۋرالى ايتتى، دەپ حابارلايدى قازاقپارات.

مالىمەتكە سايكەس الاكولگە تۋريستىك رەيستەردىڭ بارلىعى سۋبسيديالانادى. بيلەت باعاسى 10 - 16 مىڭ تەڭگە ارالىعىندا.

الماتى وبلىسىنا «SCAT» اۋە كومپانياسى» ا ق، شىعىس قازاقستان وبلىسىنا «وڭتۇستىك اسپان» ا ق قاتىنايدى.

اتاپ ايتقاندا، «SCAT» اۋە كومپانياسى» ا ق رەيستەردى سىيىمدىلىعى 50 ادامدىق «Bombardier CRJ200» ءتيپتى اۋە كەمەسىمەن ورىندايدى: - نۇر-سۇلتان - ءۇشارال - نۇر-سۇلتان باعىتىندا بيىلعى 27- مامىردان باستاپ اپتاسىنا 7 رەت.

جولاۋشىنى ءبىر جاققا تاسىمالداۋ ءتاريفى 16000 تەڭگە. - الماتى - ءۇشارال - الماتى باعىتىندا 28- مامىردان باستاپ اپتاسىنا 7 رەت.

ءبىر جاققا بيلەت قۇنى 10000 تەڭگە. ال «وڭتۇستىك اسپان» ا ق سىيىمدىلىعى 50 ادامدىق «ان-24» ۇشاعىمەن كەلەسى رەيستەردى ورىندايدى: - الماتى - ءۇرجار - الماتى باعىتىندا بيىلعى 23- مامىردان باستاپ اپتاسىنا 7 رەت.

جولاۋشىنى ءبىر جاققا تاسىمالداۋ ءتاريفى 14000 تەڭگە. - نۇر-سۇلتان - ءۇرجار - نۇر- سۇلتان باعىتىندا 2020-جىلعى 23- مامىردان باستاپ اپتاسىنا 7 رەت.

جولاۋشىنى ءبىر جاققا تاسىمالداۋ ءتاريفى 16000 تەڭگە. ««SCAT» اۋە كومپانياسى» اق ءوتىنىمى بويىنشا قىركۇيەك پەن قازان ايلارىندا جيىلىكتىڭ ازايۋىن ەسكەرە وتىرىپ، نۇر-سۇلتان مەن الماتىدان ءۇشارالعا اپتاسىنا قوسىمشا 7 رەيسكە كوشىرۋ ماسەلەسى قاراستىرىلۋدا. سونداي-اق، مينيسترلىك 2020-جىلعا بولىنگەن سۋبسيديا كولەمىن ۇلعايتۋ جانە حالىقتىڭ تۋريستىك قاجەتتىلىگىن قاناعاتتاندىرۋ ءۇشىن الماتى-جەزقازعان-الماتى، نۇر-سۇلتان - بالقاش - نۇر-سۇلتان، نۇر-سۇلتان - ءۇشارال - نۇر-سۇلتان باعىتتارىندا قوسىمشا رەيستەردى شىلدە ايىنان باستاپ ىسكە قوسۋ ماسەلەسىن پىسىقتاۋدا»، - دەلىنگەن اقپاراتتا.