ال قىزىل ءتۇستى شاپاققا بويالعان كەشكى اسپان ەلوردالىقتاردى تاڭ قالدىردى

نۇر-سۇلتان. قازاقپارات - نۇر-سۇلتانداعى ءبىر جارىم كۇنگە سوزىلعان نوسەر جاۋىننان كەيىن كۇن باتار تۇستا اسپان القىزىل تۇسكە بويالىپ، ەلوردالىقتاردى تاڭ-تاماشا قالدىردى، دەپ حابارلايدى قازاقپارات ءتىلشىسى.

كۇنى بويى جاۋعان نوسەر كەشقۇرىم عانا تىيىلىپ، اسپانعا الىپ كەمپىرقوساق ءىلىندى. ءدال وسى كەزدە كۇن باتقان كوكجيەك القىزىل ءارى التىن تۇسكە بولەنىپ، ماڭايعا ەرەكشە ساۋلە تارادى.

كۇنى بويى كورىنبەگەنىمەن ساعات توعىزدان اسا كۇن كوزى جارىق شاشىپ، ەلورداعا ەرەكشە رەڭ سىيلادى.

الەۋمەتتىك جەلىدە ەلوردا تۇرعىندارى ءارتۇرلى سۋرەتتەردى تاراتىپ جاتىر. ەلوردانىڭ ەرەكشە كەشى قالا حالقىنا كەرەمەت كوڭىل-كۇي سىيلاعان سەكىلدى.

ەسكە سالا كەتسەك، كەشە نۇر-سۇلتان قالاسىنىڭ اكىمدىگى استانادا ءبىر تۇندە جاڭبىردىڭ جارتى ايلىق مولشەرى جاۋعانى تۋرالى مالىمەت تاراتقان بولاتىن.

قازگيدرومەتتىڭ مالىمەتىنشە، ماۋسىنىڭ 15 نەن 16 سىنا قاراعان ءتۇنى 22 م م جاڭبىر جاۋدى، ايلىق مولشەر - 37 م م . بۇل ايلىق مولشەردىڭ جارتىسىنان كوبى.

قالا كوشەلەرىن سۋ باسۋىنا جول بەرمەۋ ءۇشىن اكىمدىك نوسەرلىك كارىز قۇرىلىسى بويىنشا جۇيەلى جۇمىس جۇرگىزۋدە.