جىلىويدا كوروناۆيرۋستان ءتورتىنشى ادام كوز جۇمدى
بۇل - قاۋىپتى ىندەتتەن كوز جۇمعان ءتورتىنشى ادام، دەپ حابارلايدى قازاقپارات.
وبلىستىق دەنساۋلىق ساقتاۋ باسقارماسىنىڭ مالىمەتىنە سۇيەنسەك، 1972 -جىلى تۋعان ناۋقاس 15-ماۋسىمدا كوز جۇمعان. ول 13-ماۋسىمدا دەنە قىزۋىنىڭ كوتەرىلۋى، تىنىس الۋى قيىندىعى مەن ازداعان جوتەلگە شاعىمدانىپ، جىلىوي اۋداندىق اۋرۋحاناسىنىڭ پروۆيزورلىق بولىمىنە جەدەل جاردەم ارقىلى جەتكىزىلگەن. وعان ك ت ساراپتاماسى جاسالعان سوڭ، وكپەسىنىڭ %50 نىڭ قابىنۋى انىقتالعان.
«جاعدايىنىڭ اۋىرلىعىنا بايلانىستى ينفەكسيالىق اۋرۋحانانىڭ بوكس پالاتاسىنا جاتقىزىلىپ، كومەك كورسەتىلدى. وبلىستىق اۋرۋحانانىڭ دارىگەرلەرىمەن كەڭەسە وتىرىپ، جاساندى وكپەنى جاساندى جەلدەتۋ اپپاراتىنا قوسۋ تۋرالى شەشىم قابىلداندى. الايدا، دارىگەرلەر تاراپىنان جاسالعان كومەككە قاراماستان، ناۋقاس 15-ماۋسىم كۇنى قايتىس بولدى» - دەپ حابارلادى وبلىستىق دەنساۋلىق ساقتاۋ باسقارماسىنان.
ناۋقاس بۇعان دەيىن دەنساۋلىعىنا بايلانىستى ەسەپتە تۇرماعان.
ەسكە سالا كەتەلىك، بۇدان بۇرىن اتىراۋدا ءۇشىنشى ادام قايتىس بولعان ەدى. سونداي-اق، اكىمدىك پەن NCOC قىزمەتكەرى كوروناۆيرۋس جۇقتىردى.
