لوندوندا افروامەريكالىق ازامات اق ءناسىلدى جىگىتتى ىزالى توپتان الىپ شىقتى
بۇل تۋرالى قازاقپارات CNN- گە سىلتەمە جاساپ حابارلايدى.
پاتريك حاتچينسوننىڭ جانقيارلىق ارەكەتى ءتۇسىپ قالعان سۋرەت بۇكىل الەمگە تارادى. جەكسەنبى كۇنى حاتچينسون CNN-گە بۇل ونىڭ قاتىسقان العاشقى Black Lives Matter نارازىلىق شاراسى ەكەنىن ايتقان.
ەسكە سالايىق، لوندونداعى جانە بۇكىل الەمدەگى نارازىلىق بىلدىرۋشىلەر پوليتسيا قىزمەتكەرلەرىنىڭ قولىنان قازا تاپقان افروامەريكالىقتاردىڭ ولىمىنەن كەيىن پوليتسيا جۇمىسىن رەفورمالاۋدى تالاپ ەتىپ، كوشەگە شىقتى. قايتىس بولعانداردىڭ قاتارىندا ميننەاپوليستە كوز جۇمعان دجوردج فلويد پەن اتلانتاداعى رەيشارد برۋكس بار.
حاتچينسون CNN- گە بەرگەن سۇحباتىندا سەنبىدە ميتينگىگە كەلگەن كەزدە، نارازى توپتىڭ سوققىلارىنان ءوزىن قورعاۋعا تىرىسىپ، باسپالداقتا جاتقان اق ءناسىلدى جىگىتتى كورگەنىن ايتتى. حاتچينسون سول ساتتە بۇل ادام قارسى توپتىڭ وكىلى ەكەنىنە دە قاراماعانىن ايتۋدا. حاتچينسون مەن ونىڭ دوستارى جارالى ازاماتتى قورشاپ الىپ، سودان كەيىن پاتريك ونى پوليتسيا ۋچاسكەسىنە جەتكىزۋ ءۇشىن يىعىنا كوتەرىپ العان.
حاتچينسوننىڭ ايتۋىنشا، سوعان قاراماستان نارازى توپ اق ءناسىلدى ادامعا سوققى جاساۋدى توقتاتپاعان. حاتچينسون قۇتقارعان ەر ادامنىڭ اتى ازىرگە بەلگىسىز. سەنبىدەگى نارازىلىقتاردان كەيىن پوليتسيا 100 دەن استام ادامدى قاماۋعا الدى. پاتريكتىڭ ايتۋىنشا، ءوزى نارازىلىق بىلدىرۋگە شىققان. ول ادامزات ناسىلدىك كەمسىتۋشىلىكتى جەڭىپ، بەيبىت ءومىر سۇرە الادى دەپ ۇمىتتەنەدى.
«ءبارىمىز ءۇشىن تەڭدىك بولعانىن قالايمىن. مەن - اكەمىن، اتامىن. بالالارىم، نەمەرەلەرىم، جيەندەرىم جاقسى الەمدە ءومىر سۇرسە ەكەن دەيمىن»، - دەدى حاتچينسون.
ەسكە سالا كەتەيىك، 25-مامىر كۇنى دجوردج ميننەاپوليستە پوليتسەيلەردىڭ قولىنان قايتىس بولدى. ونى ۇستاۋ بارىسىندا دەرەك شوۆين توعىز مينۋتتاي تىزەسىمەن موينىنان باسىپ وتىرعان. ا ق ش، كانادا، ۇلى بريتانيا، گەرمانيا مەن الەمنىڭ باسقا دا قالالارىندا دجوردج فلويدتىڭ ولىمىنەن كەيىن نارازىلىقتار مەن تولقۋلار باستالدى.
