سەلفي جاساماق بولعان جىگىت ۇلكەن الماتى كولىندە پلوتينادان قۇلاپ كەتتى
«14-ماۋسىمدا كەشكە رەسپۋبليكالىق جەدەل قۇتقارۋ جاساعىنىڭ كەزەكشى بولىمىنە مەرتىككەن جىگىت تۋرالى اقپارات ءتۇستى. كۋاگەرلەر حابارلاعانداي، ۇلكەن الماتى كولىندەگى بيىكتىگى 50 مەتر پلوتينادان سەلفي جاساماق بولعان جىگىت تومەنگە قۇلاپ كەتكەن جانە تومەننەن شىعىپ جاتقان ايعايعا قاراعاندا ول - ءتىرى»، - دەدى رەسپۋبليكادىق جەدەل قۇتقارۋ جاساعىنان.
الپينيستىك قۇرال-جابدىقپەن تۇسكەن قۇتقارۋشىلار كاسكادتى باسپالداقتاردىڭ بىرىنەن جىگىتتى الىپ شىقتى.
«ونىڭ تەك 2 ساۋساعى سىنىپ، سان ەتى جىرىلعان. قۇتقارۋشى مەديكتەر جىگىتتى الپينيستىك تروسپەن الىپ شىعىپ، جەدەل جاردەمگە تابىستادى»، - دەدى رەسپۋبليكالىق جەدەل قۇتقارۋ جاساعىنىڭ باسپا ءسوز قىزمەتىنەن. 35 جاستاعى ەر ادام ادەمى فوندا سەلفي جاساماق بولىپ، تەحنيكالىق باسپالداققا شىققان. تەپە-تەڭدىك ساقتاي الماعان سوڭ تومەنگە قۇلديلاپ كەتكەن.
