قازاقستاندا تەڭىز پورتتارى ارقىلى جۇك تاسىمالداۋ كولەمى ءوستى
«2020-جىلدىڭ العاشقى 5 ايىندا اقتاۋ جانە قۇرىق تەڭىز پورتتارى ارقىلى 2,6 ميلليون تونناعا جۋىق جۇك تاسىمالداندى. بۇل رەتتە جۇك اۆتوكولىك قۇرالدارىن اۋىستىرىپ تيەۋ كولەمى 10 پايىزعا ارتتى. وتكەن جىلدىڭ 5 ايىندا بۇل كورسەتكىش 2564 بولسا، بيىل 2824 كە جەتتى. سونداي-اق، كونتەينەرلەردى اۋىستىرىپ تيەۋ 19 پايىزعا ءوسىپ، 11712 بولدى»، - دەلىنگەن ق ر ي ي د م باسپا ءسوز قىزمەتى مالىمەتىندە.
بيىلعى قاڭتار-مامىر ايلارىندا كاسپيي تەڭىزىندەگى پورتتار اراسىندا ساۋدا فلوتى 1 ميلليون توننا جۇك تاسىمالداندى نەمەسە وتكەن جىلدىڭ سايكەس كەزەڭىمەن سالىستىرعاندا 104 پايىزدى قۇرادى (967 مىڭ توننا).
«بەكىتىلگەن تارتىپكە سايكەس، كارانتيندىك كەزەڭدە اقتاۋ جانە قۇرىق تەڭىز پورتتارى ارقىلى جولاۋشىلار تاسىمالىن جۇزەگە اسىرۋعا ەنگىزىلگەن شەكتەۋ ساقتالادى. ءبىراق، ونىڭ شەتەلدەردەن قايتىپ كەلەتىن قازاقستاندىق ازاماتتارعا قاتىسى جوق. وسى ورايدا باكۋ - قۇرىق پارومدىق قاتىناسىمەن 161 ادام قايتارىلدى»، - دەلىنگەن ۆەدومستۆو حابارلاماسىندا.
ەپيدەمياعا قارسى قابىلدانعان شارالار اياسىندا پورتتاردىڭ قىزمەتتەرى سانيتارلىق-كارانتيندىك سالا قىزمەتكەرلەرىمەن بىرلەسىپ پورتقا كەلەتىن بارلىق جۇك كولىكتەرىنە دەزينفەكتسيا جۇرگىزەدى.
پورتتاردا العاشقى مەديتسينالىق كومەك كورسەتۋگە ارنالعان كارانتيندىك بولمەلەر جابدىقتالدى.
