ماڭعىستاۋدا ءبىر جاسقا تولماعان سابيدەن كوروناۆيرۋس انىقتالدى

ماڭعىستاۋ وبلىسى. قازاقپارات - ماڭعىستاۋ وبلىسىندا ءالى ءبىر جاسقا تولماعان سابيدەن كوروناۆيرۋس انىقتالدى.

بۇل تۋرالى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى كوميسسيانىڭ تەلەگرام كانالىنا سىلتەمە جاساپ حابارلايدى.

پ ت ر دياگنوستيكالىق زەرتتەۋ ناتيجەلەرى بويىنشا COVID-19 ۆيرۋسى اقتاۋ قالاسىندا 1989-جىلى تۋعان ايەل ادام، 2 ەر ادامنان: 1978، 1975-جىلى تۋعان جانە 2 كىشكەنتاي بالادا: 2020، 2010-جىلى تۋعان، بەينەۋ اۋدانىندا 3 ايەل ادامنان: 1939، 1967، 1966-جىلى تۋعان جانە 3 ەر ادامنان: 1978، 1965، 1990-جىلى تۋعان، مۇنايلى اۋدانىندا 1 ايەل ادامنان: 1976-جىلى تۋعان، 3 ەر ادامنان: 1986، 1975، 1972-جىلى تۋعان، جانە 1 كىشكەنتاي بالادا: 2011-جىلى تۋعان، ءتۇپقاراعان اۋدانىندا 2 ەر ادامدا: 1958 جانە 1989-جىلى تۋعان، ناۋقاستاردا ناقتىلاندى.

بارلىعى تيىسىنشە جۇقپالى اۋرۋلار ستاتسيونارىنا جاتقىزىلعان.

قازىرگى تاڭدا ناۋقاستاردىڭ جاعدايى قاناعاتتانارلىق، بەكىتىلگەن حاتتاماعا سايكەس ءتيىستى ەم الىپ جاتىر. پروفيلاكتيكالىق ءىس-شارالاردى جۇرگىزۋ ءۇشىن ناۋقاستارمەن قارىم-قاتىناستا بولعان ادامدار انىقتالۋدا.

اۋرۋ وشاقتارىندا دەزينفەكتسيا جاسالدى.