تۇرعىندارىنىڭ كۇنكورىس دەڭگەيى تومەن وڭىرلەر انىقتالدى
مۇنداي دەرەكتى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتى جاريالادى، دەپ حابارلايدى قازاقپارات.
ۆەدومستۆو مالىمەتىنشە، ءۇي شارۋاشىلىقتارىن ىرىكتەمەلى زەرتتەۋ بويىنشا تابىسى ەڭ تومەنگى كۇنكورىس دەڭگەيىنەن تومەن حالىقتىڭ ۇلەسى (كەدەيلىك دەڭگەيى) 2020-جىلعى 1-توقساندا 4 پايىزدى قۇرادى.
بۇل وتكەن جىلعى ءتيىستى كەزەڭمەن سالىستىرعاندا 0,1 پايىزدىق تارماققا تومەن. 2020-جىلعى 1- توقساندا كەدەيلىك دەڭگەيىنىڭ ەڭ ۇلكەن ءمانى تۇركىستان (%9,8)، ماڭعىستاۋ (%5,8) جانە جامبىل (%5,2) وبلىستارىندا بايقالدى. ال ەڭ تومەنى - نۇر-سۇلتان قالاسىندا (%1,1) تىركەلدى.
«دەتسيلدىك بولۋدەگى ءۇي شارۋاشىلىقتارىنىڭ شىعىستارى تابىستار سياقتى ايتارلىقتاي سارالانۋدى كورسەتەدى. سونىمەن، 2020-جىلعى 1- توقساندا ازىق-تۇلىك تاۋارلارىنا جۇمساعان شىعىستار دەڭگەيىندەگى 10 پايىز ەڭ از جانە 10 پايىز ەڭ كوپ قامتاماسىز ەتىلگەن حالىقتىڭ اراسىنداعى ايىرماشىلىق 5 ەسەنى، ازىق-تۇلىك ەمەس تاۋارلارعا - 8 ەسەنى، ال اقىلى كورسەتىلەتىن قىزمەتتەرگە - 5,6 ەسەنى قۇرادى»، - دەدى كوميتەتتەن.
