كوروناۆيرۋسكە شالدىققان مينيستر ءبىرتانوۆتىڭ قازىرگى جاعدايى قالاي؟

نۇر-سۇلتان. قازاقپارات - كوروناۆيرۋس جۇقتىرعان مينيستر دەنساۋلىق ساقتاۋ ءمينيسترى ەلجان ءبىرتانوۆتىڭ مىندەتىن ورىنباسارى ءلاززات اقتايەۆا اتقارادى.

بۇل تۋرالى ۆەدومستۆونىڭ رەسمي وكىلى دياس احمەتشارىپ ءمالىم ەتتى، دەپ حابارلايدى قازاقپارات ءتىلشىسى.

«دەنساۋلىق ساقتاۋ ءمينيسترى ەلجان امانتاي ۇلى ءبىرتانوۆ كوروناۆيرۋس ينفەكسياسىن جۇقتىرىپ، «پنيەۆمونيا» دياگنوزىمەن اۋرۋحاناعا جاتقىزىلدى. ەكى كۇن بولدى. دارىگەرلەر ونىڭ دەنساۋلىق جاعدايىن ورتاشا دەپ باعالاپ وتىر. جالپى ەلجان امانتاي ۇلى كلينيكالىق حاتتاماعا ساي ەم-دومىن قابىلداۋدا. اعزاسى ۆيرۋسقا قارسى تەراپيانى جاقسى كوتەرۋدە. ەمىن قابىلداعاننان كەيىن، جازىلىپ، ءوز جۇمىسىنا كىرىسەدى دەگەن ويدامىز»، - دەدى قازاقپارات تىلشىسىنە تەلەفون ارقىلى دياس احمەتشارىپ.

ونىڭ حابارلاۋىنشا، ەلجان ءبىرتانوۆ اۋرۋحانادا جۇمىسىن قاشىقتان جۇرگىزىپ، شتاب قىزمەتىن رەتتەپ وتىر. بۇگىننەن باستاپ ونىڭ مىندەتىن ۋاقىتشا ورىنباسارى ءلاززات اقتايەۆا اتقارادى.