قىتاي جەرسەرىگىن ۇشىرۋدى تەحنيكالىق سەبەپتەرمەن كەيىنگە قالدىردى
سپۋتنيكتى جەرماڭى وربيتاسىنا شىعارۋى ءتيىس بولعان «ۇلى ساپار-3 ب» زىمىران-تاسىعىشىن ستارت الدىندا سىناقتان وتكىزۋ كەزىندە تەحنيكالىق پروبلەمالار انىقتالدى.
ۇشىرۋ ميسسياسى كەيىنگە قالدىرىلدى. «بەيدوۋ» ناۆيگاتسيالىق جۇيەسىنىڭ سوڭعى جەرسەرىگى ۇشىرىلاتىن كۇننەن كەرى ەسەپ باستالعانىن قىتايدىڭ سپۋتنيكتىك ناۆيگاتسيا جۇيەلەرى ءىسى جونىندەگى كەڭسەدەن وتكەن جەكسەنبى كۇنى ءمالىم ەتكەن بولاتىن.
سپۋتنيكتى ۇشىرۋ ۋاقىتى سەيسەنبى - 16- ماۋسىم، بەيجىڭ ۋاقىتىمەن ساعات 10:11 دەن 10:50 گە دەيىن بەلگىلەنگەن ەدى.
ەسكە سالايىق، قىتايدىڭ «بەيدوۋ» ناۆيگاتسيا جۇيەسى ءۇش كەزەڭدە جۇزەگە اسىرىلدى. 2000-جىلى قىتاي اۋماعىن قامتيتىن «بەيدوۋ-1» جۇيەسىنىڭ ءبىر بولىگى قۇراستىرىلدى. 2012-جىلى ازيا-تىنىق مۇحيتى ايماعىن قامتيتىن «بەيدوۋ-2»، 2020-جىلى جاھاندىق ناۆيگاتسيالىق توپتى قامتيتىن «بەيدوۋ-3» قولعا الىندى.
«بەيدوۋ-3» جۇيەسىندە 30 جەرسەرىك بار، ونىڭ 29 ى بۇگىنگە دەيىن جەر اينالاسىنا وربيتاعا شىعارىلدى.
