قازاقستاننىڭ ءدال قازىرگى حالىق سانى بەلگىلى بولدى

نۇر-سۇلتان. قازاقپارات - قازاقستاننىڭ حالىق سانى 18711200 ادامعا جەتتى.

مۇنداي دەرەكتى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتى جاريالادى، دەپ حابارلايدى قازاقپارات.

«2020-جىلعى 1- مامىردا ەلىمىزدەگى حالىق سانى 18711,2 مىڭ ادام بولدى. ونىڭ ىشىندە قالالىقتار - 11004,5 مىڭ (%58,8)، اۋىلدىقتار - 7706,7 مىڭ ادام»، - دەلىنگەن تاراتىلعان اقپاراتتا.

كوميتەت مالىمەتىنشە، 2019-جىلعى 1- مامىرمەن سالىستىرعاندا حالىق سانى 242,4 مىڭ ادامعا نەمەسە 1,3 پايىزعا ءوستى.

قاراستىرىلىپ وتىرعان كەزەڭدە ەڭ كوپ جالپى ءوسىم ەلىمىزدىڭ 3 وڭىرىندە: الماتى قالاسى (63,7 مىڭ ادام)، نۇر-سۇلتان قالاسى (55,5 مىڭ ادام) جانە تۇركىستان وبلىسىندا (33,1 مىڭ ادام) تىركەلگەن.