بلوكپوستار الىنىپ تاستالعاننان كەيىن جول اپاتى كوبەيدى - قازاقاۆتوجول

نۇر-سۇلتان. قازاقپارات - بلوكپوستار الىنىپ تاستالعاننان كەيىن جول اپاتىنىڭ سانى ارتتى، دەپ حابارلايدى قازاقپارات «قازاقاۆتوجول» ج ش س- ىنا سىلتەمە جاساپ.

«ايتا كەتۋ كەرەك، وڭىرلەردە «Covid-19» پاندەمياسىنىڭ اياسىندا كارانتين شاراسىنىڭ ەنگىزىلۋىنە بايلانىستى اۆتوموبيل جولدارىنداعى كولىك قوزعالىسىنىڭ قارقىندىلىعى بىرنەشە ەسە ازايدى. جول-كولىك وقيعالارىنىڭ سانى وتكەن جىلمەن سالىستىرعاندا %15 عا تومەندەپ، ال قازا بولعاندار سانى %35 عانا بولعان. الايدا اۆتوموبيلدەردىڭ قوزعالىسىنا دەگەن شەكتەۋ شارالارىن الىپ تاستاۋ جانە كولىك اعىنىنىڭ ارتۋى جول اپاتى سانىنىڭ كۇرت وسۋىنە سەبەپ بولدى»، دەلىنگەن كومپانيانىڭ Facebook-تەگى پاراقشاسىندا.

ستاتيستيكاعا سايكەس، 1-7- ماۋسىم ارالىعىندا عانا حالىقارالىق جانە رەسپۋبليكالىق ماڭىزى بار جولداردا 29 جول اپاتى بولىپ، سالدارىنان 16 ادام كوز جۇمعان، 50 ادام جاراقات العان. «جىل باسىنان بەرى 642 جول-كولىك وقيعاسى ورىن الىپ، 193 ادام قايتىس بولسا، ءوز كەزەگىندە 2019-جىلدىڭ وسى ۋاقىتىندا 309 ادامنىڭ ولىمىمەن 791 جول-كولىك وقيعاسى تىركەلگەن.

مامىر ايى بويىنشا سالىستىرساق، وسى جىلى 95 جول-كولىك وقيعاسى ورىن العان، بۇل جاعدايدا جاراقات العاندار سانى 150 جانە 25 ادام قايتىس بولدى، ال 2019-جىلدىڭ مامىر ايىندا 154 جازاتايىم وقيعا ورىن الىپ، 250 ادام جاراقات السا، 58 ادام قايتىس بولدى»، دەلىنگەن حابارلامادا.

جىل باسىنان باستاپ ەڭ كوپ جول-كولىك وقيعالارى كەلەسى وبلىستاردا ورىن العان:

الماتى وبلىسىندا (229 وقيعا، 55 ءولىم)، جامبىلدا (58 جاعداي، 10 ادام قايتىس بولدى)؛ شىعىس قازاقستان وبلىسىندا (57 وقيعا، 18 ادام قايتىس بولدى) ادام)؛ تۇركىستاندا (55 وقيعا، 22 ادام قازا بولدى)، اقمولادا (49 وقيعا، 8 ادام قازا تاپتى).

ايتا كەتۋ كەرەك، جول- كولىك وقيعاسى نەگىزىنەن جىلدامدىق پەن بەلگىلەنگەن ءتارتىپتى بۇزۋ سالدارىنان ورىن الادى، ياعني، جول ەرەجەسىنىڭ تالاپتارىن ساقتاماۋعا بايلانىستى جۇرگىزۋشىلەردىڭ كىناسىنەن بولادى.

«قازاقاۆتوجول» جول ەرەجەسىن بۇزعانى ءۇشىن جازانى ودان ءارى قاتاڭداتۋدى، سونىمەن قاتار رەسپۋبليكالىق ماڭىزى بار اۆتوموبيل جولدارىندا قۇقىق قورعاۋ ورگاندارىنىڭ (جول-پاترۋلدىك قىزمەتى) باقىلاۋىن كۇشەيتۋدى ۇسىنادى.

«جول قاۋىپسىزدىگىن قامتاماسىز ەتۋ جانە رەسپۋبليكالىق ماڭىزى بار اۆتوموبيل جولدارىندا كەشەندى ماقساتتى باعدارلامانى جۇزەگە اسىرۋ ماقساتىندا جول جامىلعىسىنداعى اقاۋلاردى جويۋ جانە جول ورتاسىنىڭ ەلەمەنتتەرىن قۇرۋ جۇمىستارى جۇرگىزىلۋدە. سونىمەن قاتار، جول اپاتتارى قاۋپىن ازايتۋ ماقساتىندا زاماناۋي جانە يننوۆاتسيالىق تەحنيكالىق قۇرالدار، مىسالى، يكەمدى بەلگى باعاندارى، كۇن ساۋلەسىمەن جۇمىس جاسايتىن كاتافوتتار، ليۋمينەستسەنتتى شۋ بەلدەۋلەرى، جارىقديودتى جول بەلگىلەرى جانە ت. ب. بەلسەندى تۇردە ەنگىزىلۋدە»، دەلىنگەن حابارلامادا.