اتىراۋدا كوروناۆيرۋس جۇقتىرعان جەتىنشى جۇكتى ايەل بوساندى

اتىراۋ. قازاقپارات - اتىراۋدا كوروناۆيرۋس ينفەكتسياسىن جۇقتىرعان جەتىنشى جۇكتى ايەل بوساندى، دەپ حابارلايدى قازاقپارات.

وڭىرلىك كوممۋنيكاتسيالار قىزمەتىنىڭ مالىمەتىنشە، 15- ماۋسىمدا قاۋىپتى ىندەتكە شالدىققان جەتىنشى جۇكتى ايەل دەنى ساۋ بالانى دۇنيەگە اكەلدى.

اكۋشەرلىك كومەككە وبلىستىق پەريناتالدىق ورتالىقتىڭ ماماندارى اتسالىسقان.

نارەستەدەن كوروناۆيرۋس ينفەكتسياسىنا تالداۋ الىنىپ، تازا پالاتاعا اۋىستىرىلعان. وبلىستىق دەنساۋلىق ساقتاۋ باسقارماسىنىڭ اقپاراتىنا سايكەس، بوسانعان ايەل - قىزىلقوعا اۋدانىنىڭ تۇرعىنى.

«ءسابيدىڭ سالماعى - 3 كەلى 394 گرام، بويى - 52 سانتيمەتر. انانىڭ دا، نارەستەنىڭ دە جاعدايى جاقسى. جاس اناعا ءتيىستى ەمدەۋ شارالارى ءارى قاراي جۇرگىزىلەتىن بولادى»، - دەپ حابارلادى وبلىستىق دەنساۋلىق ساقتاۋ باسقارماسىنان.

ەسكە سالا كەتسەك، اتىراۋدا NCOC قىزمەتكەرى كوروناۆيرۋس جۇقتىردى.