اتىراۋدا كوروناۆيرۋس ىندەتىنەن ايىققاندار سانى مىڭعا جۋىقتادى

نۇر-سۇلتان. قازاقپارات - اتىراۋ وبلىسىندا Covid-19 ىندەتىنەن جازىلعاندار ادام سانى 985 كە جەتتى، دەپ حابارلايدى وڭىرلىك اكىمدىكتىڭ باسپا ءسوز قىزمەتى.

مۇنايلى ولكەدە كوروناۆيرۋس ينفەكتسياسىنان تاعى 24 ادام جازىلىپ شىققان: 16 ادام - تەڭىز كەنىشىندە جۇمىس ىستەيتىن قىزمەتكەر، 4 ەۋى — جىلىوي، قۇرمانعازى اۋداندارىنىڭ تۇرعىنى.

سونىمەن قاتار، قىزىلقوعا اۋدانىنان 1، اتىراۋ قالاسىنان 1 تۇرعىن قاۋىپتى ىندەتتەن ەمدەلىپ شىققان.

«قازىرگى ۋاقىتتا ەمدەلىپ شىققان جاندار ءوزىن جاقسى سەزىنەدى، كوروناۆيرۋستىڭ بار-جوعىن انىقتاۋ ءۇشىن جاسالعان سوڭعى تەست ولاردىڭ ساۋ ەكەنىن كورسەتتى»، - دەيدى وبلىس اكىمدىگىنىڭ باسپا ءسوز قىزمەتى.

وسىلايشا، اتىراۋ وبلىسىندا كوروناۆيرۋس ينفەكتسياسىنان ايىققاندار سانى 985 ادامعا جەتتى.